Charter Document - 03590395
| Charter Number: | 03590395 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1243 - 1258 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filijs ad quos presens scriptum peruenerit Iacobus le Sauuage filius Galfridi le Sauuage salutem Noueritis me dedisse concessisse et hac presenti carta mea confirmasse deo et beate Marie de Luffelde et monachis ibidem deo seruientibus vnam acram bosci mei per perticam domini regis in longitudine et latitudine cum terra et omnibus pertinencijs extendentem a via que vocatur le Cupat usque ad boscum Simonis de sancto Licio Tenendam et habendam de me et heredibus meis vel meis assignatis sibi et successoribus suis in omnibus libertatibus in liberam et puram et perpetuam elemosinam sicuti aliqua elemosina melius vel liberius poterit dari vel teneri libere et quiete ab omnibus seruicijs secularibus et demandis michi vel heredibus vel meis assignatis pertinentibus vel que a nobis ullo modo vel ullo iure vel aliquo casu contingente exigi poterint Et ad sartandum et ad claudendum et ad fossandum et ad disponendum prout voluerint absque omne contradiccione vel impedimento mei vel heredum meorum vel assignatorum nostrorum Ego uero dictus Iacobus le Sauuage et heredes mei et mei assignati predictam acram per perticam domini regis cum pertinencijs siue assartata fuerit siue non contra omnes gentes imperpetuum warantizabimus Vt autem hec mea donacio concessio et carte mee confirmacio firma et stabilis imperpetuum perseueret presenti scripto sigillum meum apponere dignum duxi Hijs testibus domino Hugone de Chastilun domino Ricardo de Lechamstede domino Willelmo de Morton militibus domino Henrico tunc persona de Thorneton Radulpho vicario de Thorneburgh tunc decano de Buckingham Reginaldo de Fraxino Giliberto clerico de Thorneton et alijs
Source (click image below to view full size)
