Charter Document - 03590390
| Charter Number: | 03590390 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1361 |
| Date type: | Internal, Feast, Regnal |
| Resource Link(s): |
|
Charter:
Hec indentura testatur quod nos frater Willelmus prior de Luffelde et eiusdem loci conuentus tradidimus concessimus et dimisimus Iohanni Warhoppe de Lillingston et Alicie vxori sue et Thome filio eorundem ad terminum vite eorum illud mesuagium tenementum et dimidiam virgatam terre cum curtilagio adiacente cum pertinencijs suis in magna Lillingston que quondam Rogerus de Sharnbrok de nobis tenuit Habendum et tenendum de nobis et successoribus nostris ad totam vitam eorum et quis eorum diucius vixerit herietabit Reddendo inde annuatim nobis et successoribus nostris sex solidos et vnum gallinum et tres gallinas videlicet ad festa sancti Michaelis archangeli tres solidos et annunciacionis beate Marie tres solidos et ad Nathale domini vnum gallinum et tres gallinas Et nemini tradent nec alicui dimittent quouismodo nec uastum facient Et forinseca seruicia predictum tenementum tangentia predictum priorem et conuentum acquietabunt et defendent Et si predictus redditus aretro fuerit per viginti dies post terminos predictos liceat predicto priori et conuentui in predicta tenementa ingredi et ea retinere sine decesina facienda predictis Iohanni Alicie et Thome Et nos uero predicti prior et conuentus predictum tenementum cum omnibus suis pertinencijs predictis Iohanni Alicie et Thome warantizabimus in forma predicta In cuius rei testimonium huic indenture penes priorem et conuentum remanenti predicti Iohannes Alicia et Thomas sigilla sua apposuerunt Hijs testibus Thoma Haspelun Philippo Alisaundr Iohanne Hyrmonger Henrico Chese et alijs Dat apud Luffelde die dominica proxima post festum sancti Gregorij anno regni regis Edwardi tercij a conquestu tricesimo quinto
Source (click image below to view full size)
