Charter Document - 03590389
| Charter Number: | 03590389 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1366 |
| Date type: | Internal, Feast, Regnal, Lunar |
| Resource Link(s): |
|
Charter:
Hec est conuencio facta die lune in festo apostolorum Petri et Pauli anno regni regis Edwardi tercij post conquestum quadragesimo inter fratrem Willelmum priorem de Luffelde et eiusdem loci conuentum ex parte vna et Walterum Taillor de Lillingstone Dansy et Katerinam vxorem eius et Aliciam filiam eorundem ex altera videlicet quod predicti prior et conuentus tradiderunt concesserunt et ad firmam dimiserunt eisdem Waltero Katerine et Alicie ad terminum vite eorum et cuilibet eorum diucius viuenti vnam acram terre arabilis cum omnibus suis pertinencijs in Lillingstone Dansy qua quidem acra iacet in le northfelde super culturam de Hemyngh inter terram Galfridi de Olney ex parte vna et terram Thome capellani ex altera Habend et tenend de predictis priori et conuentu et eorum successoribus predictam acram cum suis pertinencijs prefatis Waltero Katerine et Alicie ad terminum vite eorum et cuilibet eorum diucius viuenti Reddendo inde annuatim eisdem priori et conuentui et eorum successoribus sex denarios argenti ad duos anni terminos videlicet ad festa sancti Michaelis et annunciacionis beate Marie equis porcionibus et faciendo nichilominus toto tempore prenominato pro priore et conuentu forinseca seruicia que pertinent ad tantam terram in eadem villa Et si contingat predictum redditum sex denariorum fore aretro in parte vel in toto ad aliquem terminum prenominatum per vnum mensem vel si predicta acra terre dimissa fuerit alicui per predictos Walterum Katerinam et Aliciam in quolibet casu predicto bene liceat eisdem priori et conuentui et eorum successoribus in predictam acram terre cum suis pertinencijs reingredi et illum retinere imperpetuum absque contradiccione calumpnia vel impedimento dictorum Walteri Katerine et Alicie Et predicti prior et conuentus et eorum successores predictam acram terre cum suis pertinencijs in Lillingstone Dansy prefatis Waltero Katerine et Alicie ad terminum vite eorum et cuilibet eorum diucius viuenti in forma supradicta contra omnes gentes warantizabunt Ita quod post decessum eorum predicta acra terre cum suis pertinencijs predictis priori et conuentui et eorum successoribus integre reuertatur In cuius rei testimonium vne parti huius indenture penes prefatos Walterum Katerinam et Aliciam residenti predicti prior et conuentus sigillum eorum commune apposuerunt altere vero parti penes predictos priorem et conuentum remanenti predictus Walterus sigillum suum apposuit Hijs testibus Iohanne Penyfader Philippo Alisaundr Iohanne Wadop Iohanne Yrmonger Waltero Pynnok et multis alijs Dat in domo capitulari de Luffelde die et anno supradictis
Source (click image below to view full size)
