Charter Document - 03590386
| Charter Number: | 03590386 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 - 1225 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Reginaldi de Grendune dedi et concessi et hac presenti carta mea confirmaui Roberto Boban filio Simonis pro homagio et seruicio suo dimidiam virgatam terre cum mesuagio et omnibus alijs pertinencijs suis in Lillingston illam scilicet quam Simon pater eiusdem Roberti tenuit Sibi et heredibus suis aut cuicunque dare vel delegare aut assignare uoluerit tenendum de me et heredibus meis libere et quiete pacifice et honorifice Reddendo inde annuatim michi et heredibus meis duos solidos pro omni seruicio et exaccione michi et heredibus meis pertinente videlicet ad festum sancte Marie in Marcio xij denarios et ad festum sancti Michaelis xij denarios Pro hac autem donacione et concessione et huius carte confirmacione dedit michi predictus Robertus xl solidos sterlingorum in gersume Hijs testibus Radulpho Dayrel Hugone Uauasur Alano de Castelun Ricardo filio Osberti Hugone de sancto Martino Waltero Peneda Absolon de Lillingston Willelmo filio Ade Ricardo de Grendune et multis alijs
Source (click image below to view full size)
