Charter Document - 03590385
| Charter Number: | 03590385 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1316 |
| Date type: | Internal, Feast, Regnal |
| Resource Link(s): |
|
Charter:
Vniuersis Christi fidelibus hoc presens scriptum visuris uel audituris Thomas del Hay de Magna Lillyngston et Felicia del Hay mater eius salutem in domino sempiternam Nouerit vniuersitas vestra nos concessisse et dimisisse Rogero de Sharnebrok pro quadam summa pecunie quam nobis dedit premanibus illud mesuagium et illam dimidiam virgatam terre cum suis pertinenciis que dominus Iohannes Waryn quondam tenuit in Magna Lillingstan et que habuimus ad terminum vite nostre ex dimissione prioris et conuentus de Loffeld Habenda et tenenda predictum mesuagium et predictam dimidiam virgatam terre cum omnibus et singulis suis pertinenciis prefato Rogero et heredibus suis vel assignatis durante toto termino vite nostre faciendo inde forinseca seruicia debita et consueta et predictis priori et conuentui de Loffeld annuatim sex solidos videlicet vnam medietatem ad terminum sancti Michaelis et aliam medietatem ad terminum annunciacionis beate Marie prout in carta dictorum prioris et conuentus inde nobis confecta quam predicto Rogero liberauimus plenius continetur In cuius rei testimonium huic presenti scripto sigilla nostra sunt appensa Hiis testibus Waltero Hosel Adam Appelon Ricardo du Park Ricardo Pinnok Hamone Gerard et multis aliis Dat apud Lillingstan die domenica proxima post festum nativitatis beate Marie anno regni regis Edwardi filii regis Edwardi decimo
Source (click image below to view full size)
