Charter Document - 03590383
| Charter Number: | 03590383 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus de Ayrel dedi et concessi et hac presenti carta mea confirmaui deo et beate Marie de Luffeld in puram et perpetuam elemosinam et monachis ibidem deo seruientibus boscum meum de Lillingeston illum scilicet quem Henricus de Ayrel nepos meus dedit pro anima mea et animabus antecessorum meorum et successorum meorum et anima vxoris mee et animabus antecessorum et successorum et nominatim pro anima Radulfi filii mei et anima Thome de Ayrel Habendum et tenendum dicte domui et monachis dictum boscum cum pertinenciis inperpetuum in liberam et puram et perpetuam elemosinam adeo libere sicuti aliqua elemosina dari potuerit uel teneri quantum ad heredes meos Reddendo domino feudi vnum parem albarum cyrotecarum ad Pascham pro omnibus rebus pro dicto bosco sibi uel heredibus suis spectantibus prout continetur in cartis dicti domini feudi Vt hec mea donacio concessio et carte mee confirmacio firmitatis robur inperpetuum optineant presenti scripto sigillum meum apposui in testimonium Hiis testibus Iohanne Morice Iohanne de Foxle Willelmo de Braunteston Ricardo clerico de Sulueston Ricardo Chardun Ricardo de Wytlebury Albrico fratre Ricardi Willelmo Chardun et multis aliis
Source (click image below to view full size)
