Charter Document - 03590378
| Charter Number: | 03590378 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1250 - 1263 |
| Date type: | Assigned |
| Resource Link(s): |
|
Charter:
Omnibus Christi fidelibus hoc presens scriptum visuris vel audituris frater Willelmus prior de Luffelde et eiusdem loci conuentus eternam [in] domino salutem Nouerit vniuersitas vestra nos vnanimi consilio tocius capituli nostri concessisse et tradidisse Roberto filio Hamonis et Alicie vxori eius illud messuagium cum pertinencijs in Lillingston quod habuimus de dono Ricardi Grusset quod situm est inter mesuagium Roberti le Stokere et mesuagium Roberti bercarij Tenendum et habendum dictum mesuagium de nobis et successoribus nostris predictis Roberto et Alicie vxori eius in tota vita sua libere quiete bene et in pace Reddendo inde annuatim nobis et successoribus nostris duos solidos ad duos anni terminos scilicet ad festum sancti Michaelis duodecim denarios et ad festum beate Marie in Marcio duodecim denarios pro omnibus seruicijs consuetudinibus exaccionibus et demandis Dicti uero Robertus et Alicia vxor eius domos et sepes in eodem statu sustentabunt quo eas receperunt vel in meliori Et nos vero dicti prior et conuentus predictis Roberto et Alicie vxori eius predictum mesuagium cum pertinencijs in tota vita sua contra omnes gentes warantizabimus et defendemus per predictum seruicium Et ut hec nostra concessio et tradicio rata sit et stabilis presens scriptum sigilli capituli nostri inpressione corroborauimus Hijs testibus Ricardo Grusset Ricardo Dayrel Roberto de Hildesdon Gilberto de Morton Willelmo Grusset de eadem et alijs
Source (click image below to view full size)
