Charter Document - 03590354
| Charter Number: | 03590354 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1376 |
| Date type: | Internal, Calendar, Regnal |
| Resource Link(s): |
|
Charter:
Hec indentura testatur quod nos frater Willemus prior de Luffeld et eiusdem loci conuentus vnanimi consensu et assensu tradidimus consessimus seu dimisimus Thome Smyt de Blakouesle et Anable vxori sue et primogenito eorum pro termino vite eorum vnum mesuagium et vnam virgatam terre cum omnibus suis pertinenciis in Blakouesle quod quidem mesuagium et virgatam terre cum omnibus suis pertinenciis prior de Ahssheby quondam de nobis tenuit Habendum et tenendum de nobis et successoribus nostris predictum mesuagium et predictam virgatam terre cum omnibus suis pertinenciis in Blakouesle prefatis Thome Smyt et Anable vxori sue et primogenito eorum Reddendo inde annuatim nobis et successoribus nostris octo solidos ad duos anni terminos videlicet ad festum sancti Michaelis et ad festum annunciacionis beate Marie per equales porciones pro omnibus seruicijs exceptis forinseco seruicio domini regis et capitalibus dominis feodi illius seruicia inde debita et de iure consueta quantum pertinent pro tanto tenemento in eadem villa Item volumus quod predictus Thomas nec aliquis eorum non scindet arbores in predicto mesuagio crescentes nisi ad vsum tenementi in eodem loco edificati sed hoc fiat per visum prioris vel alicuius nomine illius et vltimus eorum herietabit post desessum suum et si redditus aretro fuerit vltra viginti dies bene liceat predictis priori et conuentui restringere et si restriccio ibi inveniri non possit tunc bene liceat predictis priori et conuentui sine aliqua contradiccione ingredi quousque satisfaciant de reditu aretro nec alicui dimittatur in parte vel in toto sine consensu prioris sub pena eleccionis Nos vero predicti prior et conuentus sub predicta forma predictis Thome et Anable vxori sue et primogenito eorum predictum mesuagium et predictam virgatam terre cum omnibus suis pertinenciis contra omnes gentes warantizabimus In cuius rei testimonium sigillum nostrum commune huic indenture apposuimus Dat in capitulo nostro quarto kalendas Iunij anno regni regis Edwardi tercij post conquestum quinquagesimo His testibus Willelmo de Laueray Iohanne Hassheby Simone Godale Iohanne Hanon Thoma Lambard et alijs
Source (click image below to view full size)
