Charter Document - 03590353
| Charter Number: | 03590353 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Surrender |
| Date: | 1354 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Thomas de Hegham prior de Assheby canonicorum et eiusdem loci conuentus salutem in domino Cum diu temporibus preteritis et usque nunc tenuissemus de priore de Luffeld et eiusdem loci conuentu vnum mesuagium et vnam virgatam terre cum pertinenciis in Blaculuesle reddendo inde annuatim predictis priori et conuentui de Luffeld decem solidos sterlingorum ad duos anni terminos videlicet ad festum sancti Michaelis et annunciacionis beate Marie per equales porciones imperpetuum Nos tunc predicti prior et conuentus de Assheby canonicorum predictum mesuagium et predictam virgatam terre cum pertinenciis suis predictis priori et conuentui de Luffeld et eorum successoribus sursum reddidimus imperpetuum Tenendum de capitalibus dominis feodi per seruicia inde debita et consueta de iure Ita scilicet quod predicti prior et conuentus de Luffeld nos predictum Thomam priorem de Assheby canonicorum et eiusdem loci conuentum et successores nostros de predicto redditu decem solidorum et de omnibus aliis demandis exonerabunt et per scriptum suum de cetero nos quietos clamabunt imperpetuum In cuius rei testimonium sigillum nostrum commune presentibus est appensum Hiis testibus Roberto Pouer de Lychebaruwe Iohanne Brehull de Assheby Roberto Cleerk de eadem et aliis Dat apud Assheby predictam in capitulo nostro die mercurij proxima post festum annunciacionis beate Marie virginis anno regni regis Edwardi tercij post conquestum vicesimo octauo
Source (click image below to view full size)
