Charter Document - 03590350
| Charter Number: | 03590350 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1374 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Egidius Seynth John miles dominus de Plumpton Seynt John salutem in domino sempiternam Noueritis me remisisse relaxasse pro me et heredibus ac assignatis meis imperpetuum quietum clamasse priori et conuentui de Luffeld et successoribus eorum totum ius meum et clameum quod habui seu quouis modo habere potui in decem solidis annui redditus quos in ius meum clamabam de priore et conuentu de Luffeld pro tenemento et vna virgata terre in Blacoluesle in comitatu Northamton et in nouem solidis annui redditus quos in ius meum clamabam de predicto priore et conuentu pro quibusdam terris et tenementis in Thorneberge in comitatu Buckynham quod habui de dono Galfridi de Bradden vel in aliquibus tenementis dictorum prioris et conuentus que scituata sunt in comitatibus Northamton et Buckynham cum omnibus suis pertinencijs et nichilominus omnimodas acciones tam personales quam reales et demandas quascunque si quas habeo seu quouismodo habere potero erga eosdem racione seu occasione alicuius transgressionis debiti vel pencionis alicuius redditus michi vel heredibus aut assignatis meis pertinentis a principio mundi vsque ad diem confeccionis presencium Ita vero quod nec ego dictus Egidius heredes nec executores nec assignati mei nec aliquis alius nomine nostro aliquod ius vel clameum in dictis decem solidis annui redditus in Blacoluesle et in nouem solidis annui redditus in Thorneberge vel aliqua occasione super dictis aliquod ius vel clameum de cetero exigere seu vendicare poterimus infuturum sed per presentes simus omnino exclusi imperpetuum Et ego vero predictus Egidius et heredes mei totum predictum redditum decem solidorum in Blacoluesle et totum dictum redditum nouem solidorum in Thorneberge predicto priori et conuentui de Luffeld et successoribus eorum contra omnes gentes warantizabimus et defendemus imperpetuum In cuius rei testimonium huic littere atque carte relaxacionis sigillum meum apposui Hijs testibus Iohanne Pauyli milite Ricardo Bolessher Radulpho Warde Iohanne Foxcote Thoma Clair et alijs Dat apud Plumpton Seynth John dominica proxima post festum sancti Dunstani episcopi anno regni regis Edwardi tercij a conquestu quadragesimo octauo
Source (click image below to view full size)
