Charter Document - 03590345
| Charter Number: | 03590345 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Note |
| Date: | 1364 |
| Date type: | Internal, A.D., Papal |
| Resource Link(s): |
|
Charter:
In nomine domini Amen Per presens publicum instrumentum cunctis pateat euidenter quod anno ab incarnacione domini secundum cursum et computacionem ecclesie anglicane millesimo CCC sexagesimo tercio indictione secunda pontificis sanctissimi in Christo patris et domini mei domini Vrbani dei gracia pape quinti anno secundo mensis Februarij die nonadecima in domo capituli prioratus sancte Marie de Luffeld ordinis sancti Benedicti Lincolniensis diocese in mei Walteri notarij publici subscripti et testium subscriptorum presencia personaliter constitutus religiosus vir frater Willelmus de Horewode prior prioratus predicti quasdam cartas et eorum confirmaciones bene sigillatas non rasas nec aliqua parte viciatas realiter exhibuit meque rogauit specialiter et requisiuit vt dictarum cartarum et earum confirmacionum copiam in hanc publicam redigerem formam Et prime carte a me inspecte talis erat [] Et ego Walterus de Wedone clericus Lincolniensis diocesis publicus auctoritate apostolica notarius premissarum cartarum et confirmacionum exhibicionem prout supra scribuntur et rescribuntur vna cum prenominatis testibus sub anno indiccione pontificatu mense die et loco prescriptis presens interfui easque copias in hanc publicam formam redegi signoque meo publico et consueto signaui rogatus in fidem et testimonium premissorum Et nos eciam officiatus et decanus de Buk vniuersis sancte matris ecclesie filijs notificamus quod cartas et confirmaciones quarum copie in instrumento suprascripto scribuntur diligenter inspeximus easque de uerbo ad verbum examinauimus et eas prout supra scribuntur et restitantur sine rastura et vicio inuenimus sigillatas In quorum testimonium sigilla officiorum nostrorum instrumento prescripto apposuimus Dat die loco et anno domini supradicti
Source (click image below to view full size)
