Charter Document - 03590342
| Charter Number: | 03590342 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1327 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Willelmus de Shenle eternam in domino salutem Cum religiosi viri prior et conuentus de Luffelde michi relaxauerunt remiserunt omnia arreragia redditus mei proprij vsque confeccionem presencium computata de tenementis que de eis teneo in Woluerton pro seruicio meo eisdem religiosis et eorum successoribus amodo prestando dum eisdem placuerit ad redditum suum integre et arreragia eiusdem redditus in Woluerton leuandum et colligendum nomine dictorum religiosorum et eorum successorum de predictis arreragijs omnimodis dicti redditus terminis statutis respondendo et satisfaciendo ac insuper cum dicti religiosi constituerunt et ordinauerunt me attornatum suum ad redditum suum in Woluerton et arreragia dicti redditus ad opus suum leuanda et colligenda quociens necesse fuerit pro predicto redditu distringendo et districciones retinendo et deliberando sicut debet Ita quod ego dictus Willelmus tanquam balliuus dictorum religiosorum de predictis reditibus et eorum arreragijs eisdem religiosis et eorum successoribus terminis statutis plenarie respondeam et satisfaciam In omnibus ad premissa vero bene fideliter et integre amodo obseruanda et facienda obligaui eciam omnia terras et tenementa mea in Woluerton et Caluerton ad quorumcumque manus deueniant infuturum tam infra claustrum quam extra distringenda per dictos religiosos et eorum successores et balliuos seu ministros quicumque fuerint vt possint me distringere in dictis tenementis et districciones vbicumque voluerint deducere et retinere quotienscumque dictus redditus in parte vel in toto aretro fuerit quousque eisdem religiosis seu eorum successoribus de toto dicto redditu vna cum omnibus eiusdem arreragijs ac eciam indempnis et expensis plenarie ut premittitur fuerit satisfactum In cuius rei testimonium huic scripto meo obligatorio sigillum meum apposui Hijs testibus Ricardo de Kynebell Willelmo de Brackel Ricardo Durant Ricardo seriaunt de Horwode Radulpho de Fraxino de Thorneburgh et alijs Dat apud Luffelde die dominica proxima post festum sancte Marie Magdallen anno regni regis Edwardi tercij a conquestu primo
Source (click image below to view full size)
