Charter Document - 03590340

Hec indentura facta inter dompnum Iohannem Puyrye priorem prioratus de Luffeld et conuentum eiusdem loci ex vna parte et Iohannem Haukyns de Lekhampsted et Matildam vxorem eius Radulphum Iohannem Thomam Isabellam et Iohannem filios et filiam ipsorum Iohannis et Matilde ex parte altera testatur quod predicti prior et conuentus tradiderunt concesserunt ac dimiserunt prefatis Iohanni et Matilde Radulpho Iohanni Thome Isabelle et Iohanni filiis et filie ipsorum Iohannis et Matilde ad terminum vite eorum seu eorum alteri diutius viuenti vnum toftum quondam cotagium vocatum Galdes cum suis pertinencijs in Lekhampsted Habendum et tenendum predictum toftum cum suis pertinencijs Iohanni et Matilde vxori eius Radulpho Iohanni Thome Isabelle et Iohanni filiis et filie ipsorum Iohannis et Matilde ad terminum vite eorum seu eorum alteri diutius viuenti Reddendo inde annuatim predictis priori et conuentui seu eorum successoribus duodecim denarios ad terminos annunciacionis beate Marie virginis et sancti Michaelis per equales porciones durante toto termino ipsorum Et faciendo omnia alia seruicia capitalibus dominis seu onera et tallagia domino regi qualitercumque incumbencia per totum tempus supradictum Et si contingat predictum redditum duodecim denariorum fore aretro in parte vel in toto per quindecim dies post aliquem terminum supranominatum quod extunc bene licebit prefato priori seu conuentui aut eorum successoribus in predicto tofto cum suis pertinencijs reingredi distringere et districcionem capere abducere et detinere quousque predictum redditum simul cum arreragijs prenominatis priori et conuentui aut eorum successoribus plenarie fuerit satisfactum Et predictus Iohannes Haukyns faciet vnam domum de tribus bayis super predictum toftum infra duos annos proximos sequentes post datam presencium ex custagijs suis proprijs praeter quod predictus prior inueniet grossum maeremium ad predictam domum prima vice pro dicta domo de nouo reparanda et eam domum decetero predictus Iohannes et Matilda Radulphus Iohannes Thomas Isabella et Iohannes bene et competenter sustentabunt sumptibus suis proprijs per tempus supradictum Nec licebit predicto Iohanni et Matilde vxori eius nec Radulpho Iohanni Thome Isabelle et Iohanni predictum mesuagium alicui dimittere in parte nec in toto sine speciali licencia predicti prioris seu conuentus nec prosternebant aliquos arbores infra clausuram dicti mesuagii sine licencia speciali prioris seu conuentus Et si ita sit quod nulla sufficiens districcio super dictum mesuagium inveniri poterit vel si defecerint in aliquo casu supradicto quod extunc bene licebit predictis priori seu conuentui aut eorum successoribus in predicto mesuagio cum suis pertinencijs reingredi et imperpetuum retinere sine contradiccione alicuius Et quo ad facturam predicte domus infra duos annos vt supradictum est bene et fideliter faciendo ego Iohannes Haukyns obligo me heredes et executores meos virtute huius indenture in viginti solidis bone et legalis monete Solvendo predictis priori seu conuentui aut eorum successoribus quandocumque defecerit de factura predicte domus infra tempus supradictum ac etiam ultimus tenens ipsorum Iohannis et Matilde Radulphi Iohannis Thome Isabelle et Iohannis dabit vnum heriettum videlicet melius bestiam suam vel catallum In cuius rei testimonium vni parti huius indenture penes predictos Iohannem et Matildam Radulphum Iohannem Thomam Isabellam et Iohannem residenti dicti prior et conuentus sigillum commune apposuerunt alteri vero parti penes dictum priorem remanenti dictus Iohannes et Matilda sigilla sua apposuerunt Dat apud Luffeld die martis in festo sancti Michaelis anno regni regis Ricardi secundi post conquestum octauo