Charter Document - 03590336
| Charter Number: | 03590336 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1441 |
| Date type: | Internal, Feast, Regnal |
| Resource Link(s): |
|
Charter:
Hec indentura testatur quod Iohannes prior de Luffelde et eiusdem loci conuentus concesserunt tradiderunt et ad firmam dimiserunt Thome Mosse de Maidford Agneti vxori eius et Iohanni filio eorundem Thome et Agnetis vnum tenementum cum curtilagio adiacente et suis pertinencijs in Maidforde quod Thomas Pylle prius tenuit Habendum et tenendum de dictis priore et conuentu et eorum successoribus predictum tenementum cum curtilagio adiacente et suis pertinencijs prefatis Thome Mosse Agneti vxori eius et Iohanne filio eorundem ad terminum vite eorum et cuiuslibet eorum diucius viuentis Reddendo inde annuatim prefatis priori et conuentu et eorum successoribus duos solidos et octo denarios bone et legalis monete Anglie ad duos anni terminos videlicet ad festa annunciacionis beate Marie et sancti Michaelis archangeli equis porcionibus et faciendo capitali domino feodi illius seruicia inde debita et consueta Necnon manutenendo et sustentando et reparando dictum tenementum quociens necesse fuerit sumptibus suis proprijs et expensis preter quod dicti prior et conuentus et eorum successores inuenient meremium tam ad emendacionem defectuum modo in dicto tenemento existencium quam ad reparacionem et edificacionem vnius domus de nouo ibidem edificande Et si dictus redditus aretro fuerit in parte vel in toto per quindecim dies post vtrumque festum festorum predictorum non solutus tunc bene liceat prefatis priori et conuentui et eorum successoribus in predicto tenemento cum suis pertinencijs distringere et districciones penes se retinere quousque dictus redditus cum suis arreragijs si que fuerint plenarie persoluatur Et non licebit prefatis Thome Mosse Agneti vxori eius et Iohanni filio eorundem aliquas arbores in dicto tenemento existentes prosternere nec eradicare sine licencia et visu predictorum prioris et conuentus ac successorum suorum Et predicti prior et conuentus et eorum successores predictum tenementum cum curtilagio et suis pertinencijs prefatis Thome Mosse Agneti vxori eius et Iohanni filio eorundem ad terminum vite eorum et cuiuslibet eorum diucius viuentis in forma predicta contra omnes gentes warantizabunt In cuius rei testimonium tam sigillum commune dictorum prioris et conuentus quam sigilla predictorum Thome Mosse Agnetis vxoris eius et Iohannis filij eorundem hijs indenturis alternatim fuerunt appensa Dat in domo sua capitulari in festo sancti Michaelis archangeli anno regni regis Henrici sexti post conquestum vicesimo
Source (click image below to view full size)
