Charter Document - 03590332
| Charter Number: | 03590332 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1363 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes nos Willelmum priorem de Luffelde et eiusdem loci conuentum tradidisse concessise et ad terminum vite dimisisse Iohanni Pille de Maydeforde Sibille vxori eius Thome Hugoni Simoni et Ricardo filijs eorum totam placeam nostram in Maydeforde super quam dictus Iohannes Pille sumptubus proprijs vnum cotagium edificabit Habendum tenendum totam predictam placeam cum pertinencijs predictis Iohanni Sibille Thome Hugoni Simoni et Ricardo ad totam vitam suam vel vni eorum diutius viuenti libere et pacifice Reddendo inde annuatim nobis uel successoribus nostris sexdecim denarios argenti ad duos anni terminos per equales porciones videlicet ad festa annunciacionis sancte Marie virginis et sancti Michaelis pro omnibus seruicijs Et si predictus redditus fuerit aretro in parte uel in toto per xl dies post aliquem terminum prenominatum tunc bene liceat nobis uel successoribus nostris in predicto cotagio distringere pro predicto redditu et districcionem asportare donec de predicto redditu cum arreragijs nobis uel successoribus nostris plene fuerit satisfactum Et quicumque dictorum Sibille Thome Hugonis Simonis et Ricardi post obitum dicti Iohannis Pille tenuerit dictum cotagium edificandum sustentabit illud dum vixerit in statu competenti Et dicti Iohannes Pille Sibilla uxor eius Thomas Hugo Simon et Ricardus suum statum quem in dicta placea habent nulli sine licencia nostra vel successorum nostrorum dimittent Et nos dicti prior et conuentus de Luffeld totam predictam placeam cum suis pertinencijs predictis Iohanni Pille et Sibille vxori eius Thome Hugoni Simoni et Ricardo ad totam vitam suam vel vni eorum diutius viuenti pro predicto redditu in forma predicta contra omnes gentes warantizabimus In cuius rei testimonium sigillum nostrum commune et sigillum dicti Iohannis Pille alternatim sunt appensa presentibus Hijs testibus Nicholo Lawney Waltero Lawney Ricardo de Byfeld Roberto Estsex Ricardo Tabey et alijs Dat apud Luffelde die iovis proxima ante festum sancti Dunstani archiepiscopi anno regni regis Edwardi tercij a conquestu tricesimo septimo
Source (click image below to view full size)
