Charter Document - 03590330
| Charter Number: | 03590330 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes le Seyntcler filius Rogeri le Seyntcler de Middeltun intuitu pietatis et caritatis et pro salute anime mee et Matildis vxoris mee et patris mei Rogeri et matris mee Auicie et Rogeri et Edite Roberti et Petri et antecessorum meorum et successorum dedi et concessi et hac presenti carta mea confirmaui deo et beate Marie de Luffeld et monachis ibidem deo seruientibus in liberam et puram et perpetuam elemosinam redditum sex denariorum de quodam mesuagio in Middeltun quod Gilbertus le Fosser quondam tenuit et quod emi de Basilia sorore mea annuatim percipiendos ad festum beatorum apostolorum Petri et Pauli inperpetuum per manum meam Et post obitum meum heredes mei uel mei assignati uel qui dictum mesuagium tenebunt soluent inperpetuum dictis monachis quolibet anno ad dictum terminum duodecim denarios pro salute anime mee et animabus prescriptorum Et si forte euenerit quod dictus redditus non soluetur volo et concedo quod qui dictum mesuagium tenebit per censuram ecclesiasticam de die in diem coherciatur absque omni appellacione et contradiccione et strepitu iudiciali per officialem uel decanum loci Vt autem hec mea donacio et carte mee confirmacio firma et stabilis inperpetuum perseueret huic presenti scripto sigillum meum apposui in testimonium Hiis testibus Waltero de Gadesden domino de Fardingestun Gileberto Maumiry Henrico Abbraham Henrico filio Hawys Willelmo carpentario Helya de Middeltun et Roberto le Grey et multis aliis
Source (click image below to view full size)
