Charter Document - 03590320
| Charter Number: | 03590320 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Corroboration |
| Date: | 1450 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi fidelibus ad quos presentes littere peruenerint nos Iohannes Michel gentilman de Dodford Ricardus Maister Willelmus Sasur Iohannes Gefkyns Ricardus South Willelmus Bocher et Nicholaus Webbe de Dodford salutem in domino Cum lis et controuersia iam mote existunt inter Iohannem Pinchebek priorem prioratus beate Marie de Luffeld et eiusdem loci conuentum partem actricem ex parte vna et Thomam Horley firmarium terrarum et pratorum vocatorum le glebe spectantium vicarie ecclesie de Dodford partem ream ex altera parte pro decimis bladorum et feni prouenientibus de terris et pratis predictis vocatis le glebe quia pium et meritorium fore censemus testimonium veritati perhibere vt veritas illucescat ac dubitantibus hesitandi materia subtrahatur Vniuersitati vestre innotescimus et notum facimus presencium per tenorem quod predicti prior et conuentus decimas bladorum et feni de terris et tenementorum predictis quando sunt in manibus firmariorum de iure et consuetudine debent percipere et habere et easdem decimas omnibus temporibus perceperunt et habuerunt et inde pacifice possessionati fuerunt de tempore cuius contrarij memoria hominum non existat et ad maiorem fidelem euidenciam in premissis habendam sciendum est quod circiter sexdecim annos vltimos iam elapsos Iohannes Michel gentilman tunc firmarius terrarum et pratorum predictorum tempore domini Iohannis Henne vicarij ibidem prefatis priori et conuentui decimas bladorum et feni pro eisdem terris et pratis fideliter persoluit et eciam in anno vltimo preterito Thomas Walde armiger firmarius vnius parcelle glebe predicte decimas prefatis priori et conuentui pro eadem parcella fideliter soluit Et modo prefatus Thomas Horley firmarius iniuste detinet predictas decimas a predictis priore et conuentu eis faciendo et inferendo magnam iniuriam in retinendo et detinendo decimas predictas contra ius et consuetudinem ab antiquo tempore vsa et habita In cuius rei testimonium presentibus sigilla nostra apposuimus Dat apud Dodford predicte tercia die mensis Decembris anno regni regis Henrici sexti post conquestum vicesimo nono
Source (click image below to view full size)
