Charter Document - 03590319

Die iouis in festo annunciacionis beate Marie virginis anno regni domini regis Ricardi secundi post conquestum Anglie primo ita conuenit inter fratrem Willelmum de Horwode priorem de Luffeld et eiusdem loci conuentum ex parte vna et Henricum Bele de Dodeford ex altera videlicet quod dicti religiosi concesserunt tradiderunt et dimiserunt dicto Henrico totum illud tenementum cum domibus et gardinis quod Iohannes Hobbus de ipsis religiosis nuper tenuit in Dodeford et similiter totum illud tenementum cum domibus et gardinis quod Iohannes Mulward pater predicti Henrici de predictis religiosis nuper tenuit in villa predicta Habenda et tenenda predicta tenementa cum domibus et gardinis et alijs pertinencijs suis predicto Henrico ad totam vitam suam et uxori sue si nuberit ad totam vitam ipsius vxoris sue et filio vel filie si quem vel quam ex vxore sua predicta legitime procreaverit ad totam vitam ipsius filij vel filie Reddendo inde annuatim dictis religiosis et eorum successoribus tres solidos et sex denarios ad duos anni terminos videlicet ad festa Pasche et sancti Michaelis per equales porciones et faciendo capitalibus dominis feodi illius seruicia inde debita et consueta Et predictus Henricus cum obierit vel de tenementis predictis recedere voluerit dabit dictis religiosis vel successoribus suis melius animal suum vel catallum nomine herietti Dictus vero Henricus et vxor sua si nuberit et filius vel filia sua predicta tenementa cum gardinis et alijs pertinencijs suis sustentabunt reparabunt et manutenebunt sumptibus suis proprijs in adeo bono statu quo ea de predictis religiosis receperunt vel in meliori et eadem tenementa nemini dimittent vel tradent vllo modo in parte vel toto sine consensu licencia et libera voluntate religiosorum predictorum aut eorum successorum sub pena foris facture eorundem tenementorum cum pertinencijs erga dictos religiosos et eorum successores Dicti vero religiosi et eorum successores predicta tenementa cum domibus et gardinis et alijs pertinencijs suis predicto Henrico et vxori sue si nuberit et filio vel filie sue si quem vel quam ex predicta vxore sua legitime procreauerit ad totam vitam eorum et cuiuscumque eorum diutius viuentis vt predictum est contra omnes gentes warantizabunt et defendent In cuius rei testimonium partes predicte hijs indenturis sigilla sua alternatim apposuerunt Dat apud prioratum de Luffeld die et anno supradictis Hijs testibus Willelmo Maister de Dodeford Thoma Baillif de eadem Willelmo Cokkel de eadem Henry Dauy de eadem Roberto Yonge de eadem Henrico Michel de eadem Iohanne Lowdy de Fardyngeston et multis alijs Et si contingat quod predictus redditus aretro fuerit in parte vel in toto videlicet quindecim dies bene liceat dictis religiosis in predictis tenementis et gardinis distringere et districciones retinere et alienare ad quemcumque locum voluerint et si nulla convenienda districcio inveniri potest tunc liceat dictis religiosis et eorum successoribus predictis reintrare et tenere quousque de predictis reditibus et eorum areragijs plenaria satisfecerint Et quilibet eorum tenens predicta herietabit melius animal suum vel catallum nomine herietti sui si obierit vel recedere voluerit