Charter Document - 03590317
| Charter Number: | 03590317 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1306 |
| Date type: | Internal, Feast, Regnal |
| Resource Link(s): |
|
Charter:
Vniuersis sancte matris ecclesie filijs ad quos presens scriptum peruenerit Simon Wach salutem in domino Ad vniuersitatis uestre noticiam uolo peruenire me diuine pietatis intuitu et pro salute anime mee et omnium antecessorum meorum et successorum dedisse et concessisse deo et beate Marie de Luff et monachis ibidem deo seruientibus totam terram et pratum et pasturam de dominio meo de feodo de Brochol quam magister Ricardus de Dodef tenuit et unam acram terre arabilis in Sutforlong proximam terre Ricardi Feisinpreu uersus aquilonem et unam acram prati scilicet vnam rodam et dimidiam ad Codespol et tres rodas in Zachdole uersus orientem cum omnibus pertinenciis et unam libram piperis percipiendam annuatim de Iohanne de Horepol et heredibus suis ad festum Omnium Sanctorum in liberam et puram et perpetuam elemosinam liberam et quietam ab omni terreno seruicio et exactione seculari Predictam uero terram et pratum et pasturam et libram piperis predictis monachis ego et heredes mei in perpetuum warantizabimus Vt autem hec donacio mea firma et stabilis perseueret sigillo meo dignum duxi confirmare His testibus T abbate sancti Iacobi R de Billing H de Norhant decanis H de Hayf T fratre eius G seruiente de Dodef A de Brochol capellano Freberto Reginaldo Sehero Roberto de Billing Radulfo Wither Willelmo filio Ailredi et aliis
Source (click image below to view full size)
