Charter Document - 03590315
| Charter Number: | 03590315 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1327 |
| Date type: | Internal, Feast, Regnal |
| Resource Link(s): |
|
Charter:
Pateat vniuersis per presentes nos Euam vxorem Iohannis Freman de Neuham et Willelmum filium meum tradidisse concessisse et dimisisse Rogero de Pirye ad terminum vite sue ad inhabitandum vnum mesuagium nostrum cum suis pertinenciis in villa de Doddeford videlicet illud mesuagium quod habuimus de dono dicti Rogeri per cartam feoffamenti sui Habendum et tenendum dictum mesuagium de nobis et heredibus nostris eidem Rogero quam diu vixerit libere integre et pacifice sine omni vasto et destructione et eradicatione arborum et abscisione ramorum seu fodacione et asportacione terre in curia predicta Reddendo inde annuatim nobis et heredibus nostris vel assignatis duos solidos argenti ad duos terminos anni vsuales videlicet ad festa annunciationis beate Marie et sancti Michaelis per equales porciones Et nos dicti Eua et Willelmus filius meus et heredes nostri dictum mesuagium cum suis pertinenciis eidem Rogero dum vixerit contra omnes gentes pro predicto seruicio warantizabimus Sustentabit insuper idem Rogerus dictum mesuagium infra terminum vite sue in muris meremio et coopertura bene et honorifice et redditum predictum ad terminos prescriptos nobis sine dilacione persoluet quod si in sustentacione dicti mesuagii seu in solucione dicti redditus ad terminos predictos defecerit licitum erit nobis dictum mesuagium cum omnibus pertinenciis suis ingredi et retinere sine alicuius impedimento quousque omnes defectiones per visum fide dignorum sine mora emendauerit et dictum redditum tunc temporis aretro existentem persoluerit Insuper volumus quod post decessum dicti Rogeri dictum mesuagium cum suis pertinenciis nobis et heredibus nostris integre sine alicuius contradiccione reuertetur Preterea dictus Rogerus tempore vite sue non dimittet nec ad firmam tradet alicui viuenti seu nascituro dictum mesuagium nec partem inde preter quam nobis seu heredibus nostris ob quod seu per quem ius nostrum poterit differri vel elongari In cuius rei testimonium huic presenti indenture sigilla nostra apposuimus Dat apud Doddeford die dominica proxima post festum sancti Andree apostoli anno regni regis Edwardi tercii post conquestum primo Hiis testibus Ricardo Le Mestr David Freman Willelmo Loudy Iohanne Godewelle Iohanne West de Doddeford et alijs
Source (click image below to view full size)
