Charter Document - 03590312
| Charter Number: | 03590312 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1354 |
| Date type: | Internal, Feast, Regnal |
| Resource Link(s): |
|
Charter:
Die dominica in festo sancte Trinitatis anno regni regis Edwardi tercij post conquestum vicesimo octauo ita conuenit inter religiosos viros fratrem Willelmum priorem de Luffelde et eiusdem loci conuentum ex parte vna et Iohannem filium Willelmi Mulewarde de Dodeford Margeriam Gefkyn de eadem et Iohannem filium dicti Iohannis ex parte altera videlicet quod dicti religiosi tradiderunt dimiserunt dictis Iohanni Margerie et Iohanni filio dicti Iohannis ad totam vitam illorum illud mesuagium in Dodford quod situatum est inter mesuagium quod Christiana Smyth de dictis religiosis tenet ex parte vna et aquam currentem in via regia ex parte altera Habendum et tenendum dictum mesuagium cum pertinencijs suis adiacentibus predictis Iohanni Margerie et Iohanni filio dicti Iohannis ad totam vitam eorundem seu cuicunque illorum diucius vixerit Reddendo et faciendo inde annuatim dictis religiosis seu eorum successoribus duos solidos argenti ad festum beate Marie in Marcio et sancti Michaelis per equales porciones et alia seruicia de iure et consuetudine debita et consueta Et melius catallum vel auerium post decessum dictorum Iohannis Margerie et Iohannis filij dicti Iohannis nomine herietti ad voluntatem dictorum religiosorum et dicti vero Iohannes Margeria et Iohannes filius dicti Iohannis dictum mesuagium in parte nec in toto nemini tradent sine assensu et consensu dictorum religiosorum et eorum successorum set illud in omnibus in adeo bono statu seu meliori sicut illi susceperunt toto termino suo integre sustentabunt Bene eciam licebit dictis religiosis et eorum successoribus pro se et ministros suos quoscunque infra dictum mesuagium et extra pro dicto redditu si aretro fuerit quod absit per quecunque catalla et aueria vbique distringere et districcionem retinere quousque eisdem plenaria in omnibus fuerit satisfactum Et dicti religiosi et eorum successores dictum mesuagium cum omnibus pertinencijs suis prefatis Iohanni Margerie et Iohanni filio dicti Iohannis ad totam vitam eorundem seu cuicunque diucius viuenti per seruicia predicta contra omnes gentes warantizabunt Post decessum vero dictorum Iohannis Margerie et Iohannis filij dicti Iohannis totum predictum mesuagium cum omnibus pertinencijs suis dictis religiosis et eorum successoribus integre reuertetur In cuius rei testimonium partes predicte prefate indenture sigilla sua alternatim apposuerunt Hijs testibus Willelmo Cockel Henrico Dauy Roberto Yonge Henrico Michel Willelmo Maister de Dodford Dat apud Luffeld die et anno supradictis
Source (click image below to view full size)
