Charter Document - 03590311
| Charter Number: | 03590311 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1364 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes nos fratrem Willelmum priorem de Luffelde et eiusdem loci conuentum tradidisse concessisse et ad terminum vite dimisisse Henrico Lauerok de Dodeforde Leticie vxori sue et Edmundo filio eorum totam illam placeam nostram in Dodeford que quondam continebat quatuor mesuagia cum curtilagijs adiacentibus iuxta mesuagium Iohannis Cartere Habendum et tenendum predictam placeam cum curtilagijs adiacentibus predictis Henrico Leticie et Edmundo ad totam vitam eorum vel vni eorum diutius viuenti libere et pacifice super quam placeam dicti Henricus Leticia et Edmundus infra triennium a data presencium vnam domum competentem sumptubus suis proprijs edificabunt Reddendo inde annuatim nobis uel successoribus nostris ad terminum vite dicti Henrici octo denarios argenti ad festa annunciationis beate Marie virginis et sancti Michaelis per equales porciones et post decessum dicti Henrici tunc reddendo xii denarios ad dicta festa per equales porciones pro omnibus servicijs Et qui ultimo dictorum Henrici Leticie et Edmundi obierit ad obitum eius heriettabit Et nos predicti frater Willelmus prior et dicti loci conuentus et successores nostri totam predictam placeam cum curtilagijs adiacentibus et eorum pertinencijs predictis Henrico Leticie et Edmundo ad totam vitam eorum uel vni eorum diutius viuenti pro predicto redditu in forma predicta contra omnes gentes warantizabimus In cuius rei testimonium sigillum nostrum commune hijs literis indentatis penes predictos Henricum Leticiam et Edmundum manentibus apposuimus et literis indentatis penes nos manentibus dicti Henricus Leticia et Edmundus sigilla sua apposuerunt Testibus Henrico David Thoma Baylyf Willelmo Meleward Willelmo Mayster Roberto Yunge et alijs Dat apud Luffelde die dominica in crastino sancti Andree apostoli anno regni regis Edwardi tercij a conquestu tricesimo octavo
Source (click image below to view full size)
