Charter Document - 03590309
| Charter Number: | 03590309 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1402 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit Willelmus Mulward filius et heres Willelmi Mulward de Dodford in comitatu North salutem in domino sempiternam Noueritis me relaxisse et sursum tradidisse et quietum clamasse priori de Luffelde et eiusdem loci conuentui vnum cotagium cum curtilagio adiacente et alijs pertinencijs suis in Dodford cum sepibus fossatis quibus ab antiquis temporibus includitur quod quidem cotagium situatum est inter mesuagium Leticie Carte ex parte australi et mesuagium Henrici Bele ex parte boreali et extendit se a via regia ex parte orientali vsque pomerium prefate Leticie ex occidentali Ita quod nec ego predictus Willelmus nec heredes mei nec aliquis alius in dicto cotagio cum suis pertinencijs racione cuiuscunque clamei decetero aliquid iuris vel clamei exigere vel vendicare poterimus set ab omni accione simus exclusi imperpetuum In cuius rei testimonium huic littere presenti sigillum meum apposui Dat apud Luffelde die veneris proxima post festum sancte Petronille virginis anno regni regis Henrici quarti post conquestum tercio
Source (click image below to view full size)
