Charter Document - 03590308
| Charter Number: | 03590308 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1402 |
| Date type: | Internal, Feast, Regnal |
| Resource Link(s): |
|
Charter:
Nouerint vniuersi per presentes me Willelmum Mylward filium et heredem Willelmi Mylward de Dodeford in comitatu North remisisse relaxasse et omnino pro me et heredibus meis imperpetuum quietum clamasse Iohanni priori de Luffeld et eiusdem loci conuentui et eorum successoribus totum ius meum seu clameum quod habeo habui uel quouismodo habere potero in vno cotagio cum curtilagio adiacente et cum omnibus alijs pertinencijs suis in Dodeford cum sepibus fossatis quibus ab antiquis temporibus includitur quod quidem cotagium situatum est inter messuagium Iohannis Dodeforde ex parte australi et messuagium Rogeri Knyth ex parte boriali et extendit se a via regia ex parte orientali vsque pomerium prefati Iohannis Dodeforde ex occidentali parte Ita quod nec ego nec heredes mei nec aliquis alius nomine nostro in dicto cotagio cum omnibus suis pertinencijs racione cuiuscumque hereditatis uel tituli alicuius iuris seu clamei de cetero exigere seu vendicare poterimus sed ab omni actione iuris per presentes simus exclusi imperpetuum Et ego vero predictus Willelmus et heredes mei predictum cotagium cum omnibus suis pertinencijs predicto Iohanni priori de Luffeld et conuentui eiusdem loci et eorum successoribus contra omnes gentes warantizabimus acquietabimus et imperpetuum defendemus In cuius rei testimonium huic presenti litere sigillum meum apposui His testibus Henrico Bartone Henrico Mychel Willelmo Lambard Ricardo Lambard Thoma Knotte et alijs Dat aput Luffeld die veneris proxima post festum sancte Petronille virginis anno regni regis Henrici quarti post conquestum tercio
Source (click image below to view full size)
