Charter Document - 03590307
| Charter Number: | 03590307 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1249 - 1259 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Kaynes filius Willelmi de Kaynes concessi et hac presenti carta mea confirmaui deo et beate Marie de Luffeld priori et monachis ibidem deo seruientibus illam uirgatam terre cum mesuagio et omnibus pertinenciis suis quam Maynerus presbiter quondam tenuit in uilla de Dodeford illam scilicet virgatam terre quam dicti prior et monachi habent de dono Radulfi de Kaynes antecessoris mei Tenendam et habendam de me et heredibus meis eorumque heredibus sibi et successoribus suis inperpetuum in puram et perpetuam et liberam elemosinam adeo quiete et pure et libere sicuti aliqua elemosina melius uel liberius purius ac quiecius poterit dari uel teneri ab omnibus seruiciis secularibus consuetudinibus et exaccionibus et omnimodis sectis curie mee pro quacumque causa uel heredum meorum et maxime de duobus aduentibus franci plegii per annum saluo tamen quod inuenient vnam lampadem uel morterium ardentem die ac nocte ad principalia festa et qualibet die dominica ad missam inperpetuum Et ego Willelmus de Kaynes antenominatus et heredes mei eorumque heredes predicto priori et monachis et eorum successoribus predictam uirgatam terre cum mesuagio et omnibus pertinenciis suis inperpetuum prout dictum est contra omnes gentes warantizabimus et de predictis duobus aduentibus et omnimodis sectis cuiuslibet curie ac demandis uniuersis aquietabimus et in omnibus defendemus Vt autem hec mea concessio et carte mee confirmacio rata et stabilis inperpetuum perseueret huic presenti scripto sigillum meum apposui in testimonium Hiis testibus domino Symone de Throp domino Radulfo filio suo domino Eustacio de Watford domino Iohanne de Wedone domino Roberto Mauntel Ricardo fratre suo Willelmo de Brandeston Ricardo clerico de Selueston Iohanne de Per Henrico magistro Galfrido le Freman et multis aliis
Source (click image below to view full size)
