Charter Document - 03590304

Nouerint vniuersi per presentes nos fratrem Iohannem priorem de Luffeld et eiusdem loci conuentum tradidisse concessisse et ad terminum vite dimisisse Iohanni Pye de Dodeforde et Agnete vxori eius totum illud tenementum cum gardino et crofto in Dodeforde quod Henricus Lauerok de nobis quondam tenuit Habendum et tenendum totum predictum tenementum cum gardino et crofto adiacente et omnibus suis pertinencijs de nobis et successoribus nostris predicto Iohanni et Agnete vxori ad totam vitam eorum et vni eorum diutius viuenti libere et pacifice Reddendo inde annuatim nobis et successoribus nostris tres solidos argenti ad duos anni terminos videlicet ad festa sancti Michaelis archangeli et annunciacionis beate Marie per equales porciones Et si predictum [redditum] aretro fuerit in parte uel in toto post aliquem terminum prenominatum per quindecim dies tunc bene liceat predictis priori et conuentui et successoribus suis in predicto messuagio gardino cum crofto distringere et districciones asportare effugare et retinere quousque de predicto redditu cum arreragijs simul et cum dampnis nobis fuerit plenarie satisfactum Et non liceat predicto Iohanni et Agnete statum quem de nobis habent in predicto messuagio alicui alienare nec per annum nec per dimidium annum ponere sine nostra licencia speciali Et vero predictus Iohannes et Agneta dictam domum bene et competenter reparabunt et sustentabunt toto tempore prenominato sumptibus suis proprijs et in adeo bono statu quo illud receperunt tempore confeccionis presencium vel in meliori in fine dimittent Et si contingat quod dicta Agneta [moriatur ante obitum] dicti Iohannis non heretabit Et si predictus Iohannes primo obierit vterque illorum heretabunt melius animal Et si predictus redditus trium solidorum fuerit aretro in parte vel in toto post aliquem terminum per vnum mensem vel si vastum factum fuerit in sustentacione domorum vel arborum crescencium in gardino uel in crofto [non] ex deliberacione prioris vel eius assignati vel si dimittent statum suum alicui per annum vel per dimidium anni sine speciali licencia predictorum prioris et conuentus in omnibus supradictis casibus bene liceat prefatis priori et conuentui et eorum successoribus in predicto messuagio gardino cum crofto et omnibus suis pertinencijs reingredi reintrare et penes se retinere predictis indenturis non obstantibus Et nos predicti Iohannes prior et conuentus et successores nostri dictum messuagium gardinum cum crofto cum suis pertinencijs predictis Iohanni et Agnete ad totam vitam eorum vel vni eorum diutius viuenti modo et forma predictis contra omnes gentes warantizabimus In cuius rei testimonium hijs indenturis partes predicte alternatim sigilla sua apposuerunt Hijs testibus Henrico Mychel Willelmo Maysters Willelmo Mylward Simone Yonge Iohanne Dodeforde et alijs Dat apud Luffeld in capitulo nostro die lune in festo sancti Clementis anno regni regis Henrici quarti post conquestum terciodecimo