Charter Document - 03590301
| Charter Number: | 03590301 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1376 |
| Date type: | Internal, A.D., Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum peruenerit frater Willelmus de Horewode prior de Luffelde et eiusdem loci conuentus salutem in domino Noueritis nos tradidisse concessisse et dimisisse Leticie vxori nuper Iohannis Carte de Dodeford Agnete filie eiusdem Leticie et Roberto fratri eiusdem Agnetis ad totum terminum vite eorundem et ad terminum vite cuiuscunque eorundem qui diucius vixerit quoddam mesuagium cum curtilagio adiacente toftis croftis gardinis et omnibus pertinencijs suis in Dodeford quod Iohannes de Perye de Dodeforde tenuit Habendum et tenendum predictum tenementum cum omnibus suis pertinencijs prefatis Leticie Agneti et Roberto ad totam vitam eorum et ad totam vitam cuiuscunque eorum diucius vixerit libere quiete bene et in pace de nobis et successoribus nostris faciendo capitali domino feodi seruicia inde debita et de iure consueta Reddendo inde annuatim nobis et successoribus nostris duos solidos argenti ad duos anni terminos videlicet ad festa sancti Michaelis archangeli duodecim denarios et ad Pascha domini duodecim denarios et eciam faciendo vnam heriotam post decessum vltimi viuentis pro omnibus secularibus seruicijs Sustentandum et manutenendum dictum mesuagium cum omnibus pertinencijs suis sumptibus eorum proprijs in adeo bono statu quo receperunt vel in meliori sine vasto et destruccione facienda Si predictus redditus aretro fuerit in parte vel in toto post aliquem terminum prenominatum per quindecim dies tunc bene liceat nobis et successoribus nostris in mesuagio predicto distringere et districciones detinere quousque de predicto redditu aretro existente eisdem plenarie fuerit satisfactum Si nulla districcio in dicto mesuagio inueniri non poterit per annum et diem quod bene licebit dictis priori et successoribus suis omnia predicta tenementa ingredi et predictos Leticiam Agnetem et Robertum penitus expellere sine contradiccione alicuius Et nos uero predicti prior et conuentus et successores nostri predictum mesuagium cum curtilagio toftis croftis et gardinis cum omnibus pertinencijs suis predictis Leticie Agnete et Roberto ad totam vitam eorum et ad totam vitam cuiuscunque eorum diucius viuentis in forma predicta contra omnes gentes warantizabimus In cuius rei testimonium huic presenti scripto indentato sigillum nostrum commune apposuimus Altera vero parte sigillum dictorum Leticie Agnetis et Roberti signata Hijs testibus Petro Malori milite domino de Lichebarewe Roberto Glaskyrion de eadem Willelmo Maystur de Dodford Thoma Bayly de eadem Willelmo Milnewarde et alijs Dat apud Luffeld die iouis proxima post festum ante portam latinam anno domini millesimo CCC septuagesimo vj et regni regis Edwardi tercij a conquestu Anglie quinquagesimo
Source (click image below to view full size)
