Charter Document - 03590300
| Charter Number: | 03590300 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1324 |
| Date type: | Internal, Feast, Regnal |
| Resource Link(s): |
|
Charter:
Die veneris in crastino purificacionis beate Marie anno regni regis Edwardi filij regis Edwardi septimodecimo frater Iohannes de Westbury prior de Luffelde et eiusdem loci conuentus tradiderunt concesserunt et dimiserunt Willelmo Daui de Dodeford Christiane vxori eius et Simoni filio eorum ad terminum vite eorum mesuagium nostrum in Dodeford quod quidam Philippus le Glouer tenuit de nobis iacens inter tenementum Iohannis de Pirye ex parte vna et tenementum Alicie de Pirie ex parte altera Habendum et tenendum dictum mesuagium cum omnibus edificijs haiis fossatis et omnibus suis pertinencijs de nobis et successoribus nostris eidem Willelmo Christiane et Simoni ad totam vitam eorum et cui eorum diucius vixerit quiete integre et pacifice Reddendo et faciendo inde annuatim nobis et successoribus nostris octodecim denarios argenti ad duos anni terminos videlicet ad festa annunciacionis beate Marie in Marcio et sancti Michaelis archangeli per equales porciones et sectam ad curiam nostram de Dodeford pro omnibus seruicijs consuetudinibus et demandis Et predicti Willelmus Christiana et Simon omnes domos et edificia in dicto mesuagio constructas sustentabunt sumptibus proprijs et post decessum eorum predictum mesuagium cum suis pertinencijs antedictis priori et conuentui plenaria reuertentur in adeo bono statu quo receperent seu meliori Et nos predicti prior et conuentus et successores nostri totum predictum mesuagium cum omnibus pertinencijs suis antedictis Willelmo Christiane et Simoni ad totam vitam eorum seu cuicunque eorum diucius vixerit contra omnes gentes warantizabimus acquietabimus et defendemus In cuius rei testimonium partes memorate sigilla sua alternatim apposuerunt huic presenti indenture Dat apud Luffelde die et anno supradictis Hijs testibus Ricardo le Maist Dauid le Freman Willelmo le ieouene Iohanne Michel Iohanne Godewelle de Dodford et alijs
Source (click image below to view full size)
