Charter Document - 03590299
| Charter Number: | 03590299 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1371 |
| Date type: | Internal, Feast, Regnal |
| Resource Link(s): |
|
Charter:
Die dominica proxima post festum sancte Petronille virginis anno regni regis Edwardi tercij a conquestu quadragesimo quinto ita conuenit inter Willelmum priorem de Luffeld et eiusdem loci conuentum ex parte vna et Iohannem Hobbs de Dodeford ex altera videlicet quod dicti religiosi tradiderunt et dimiserunt dicto Iohanni illud tenementum quod Iohannes Ianykynys de ipsis in Dodeford quondam tenuit ad terminum vite sue et vxoris sue si nuperit Habendum et tenendum dictum tenementum cum pertinencijs predicto Iohanni et vxori sue et cuicunque eorum diucius vixerit Reddendo inde annuatim dictis religiosis et eorum successoribus duos solidos argenti ad duos anni terminos videlicet ad festum sancti Michaelis et annunciacionis beate Marie per equales porciones faciendo capitalibus dominis feodi illius seruicia inde debita et de iure consueta Et dabunt dictis religiosis et eorum successoribus post decessum vel vacacionem vtriusque melius animalem suum vel catallum nomine herieti Dicti vero Iohannes et vxor eius si nuberit dictum tenementum in adeo bono statu quo illud receperunt vel meliori sustentabunt et nemini dimittent vel tradent in parte vel in toto sine consensu prioris et conuentus Dicti vero religiosi et eorum successores dictum tenementum cum suis pertinencijs predictis Iohanni et vxori sue si nuberit ad totam vitam eorum vt predictum est contra omnes gentes warantizabunt In cuius rei testimonium huic presenti indenture partes predicte sigilla sua apposuerunt Hijs testibus Willelmo Muluard Thome Bayly Henrico Dauyt Roberto Yonge Hugone vicario et alijs
Source (click image below to view full size)
