Charter Document - 03590296
| Charter Number: | 03590296 |
|---|---|
| Cartulary Title: | Luffield Priory Charters |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1263 - 1275 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filijs ad quos presens scriptum peruenerit frater R prior de Luffelde et eiusdem loci conuentus salutem in domino Nouerit vniuersitas vestra nos concessisse ac tradidisse Matilde filie Roberti cirotecarij de Dodeford medietatem illius mesuagij quod dictus Robertus quondam de nobis tenuit Tenendum et habendum medietatem dicti mesuagij de nobis et successoribus nostris ad totam vitam matris sue Reddendo inde annuatim nobis viginti duos denarios ad duos anni terminos scilicet ad festum sancti Michaelis vndecim denarios et ad festum beate Marie in Marcio vndecim denarios Dicta vero Matilda filia Roberti medietatem dicti mesuagij nemini tradet nec inuadiabit nec aliquo modo alicui impingo rabit set dictas domos et sepes super medietatem dicti mesuagij in eodem statu sustentabit quo eis suscepit uel in meliori Post mortem vero matris dicte Matilidis dicta medietas dicti mesuagij cum domibus et sepibus sine aliquo impedimento uel contradiccione alicuius nobis redibit Nos vero dictam medietatem dicti mesuagij ut antedictum est dicte Matilde ad totam vitam Matilde matris sue contra omnes gentes warantizabimus Vt autem hec nostra concessio et tradicio firma permaneat signum ecclesie nostre presentibus scriptis ad modum cirographi confectis vna cum sigillo dicte Matilde hinc inde apposuimus in testimonium Hijs testibus domino Iohanne tunc vicario Iohanne de Peri Galfrido le maist Michaele de Frebern Daniele et multis alijs
Source (click image below to view full size)
