Charter Document - 03580002
| Charter Number: | 03580002 |
|---|---|
| Cartulary Title: | Charters of the New Minster, Winchester |
| Charter Language: | English |
| Charter Origin: | Royal |
| Charter Type(s): | Purchase |
| Date: | 0901 |
| Date type: | Internal, A.D. |
| Resource Link(s): |
Anglo Saxon Charters (S 1443) British Library - Add MS 15350 (f8r) British Library - Stowe MS 944 (f57r) eSawyer (S 1443) |
Charter:
+ In nomine Domini Ic Eadwerd cyning begeat æt Denulfe biscepe et æt ðæn hiwun on Winteceastre þa wind cirican et ðæt stænne slapern et ðærto ðæs landes be suðan ðære cirican et ðæn slepern xxiiii gerda on lange et on bræde ðar hit bradest is fif gerda et ðær hit unbradost is anne gerde to ðæn ðæt ic ðær mynster on gestaðolode for mine saule hælo et mines ðæs arwyrðan fader Ælfredes cyninges et ic let be ealra Westsexna witena geðeahte et leafe to biscepe et to þan hiwun sancte Andreas cirican et ðone worðig ðe ðærto geunnen wes into ðære stowe on ece erfe ðæt hit nage nan man fram ðære stowe to dælanne Ðonne is ðis se eaca ðe eallra Westseaxna witan ðærto eacan me gebocodon on ece erfe Ærest suðrichte fron ðan beodærn to sancte Gregories cirican ðonne from ðære suðwest hyrnan sancte Gregories cirican xii gerda westrichte to ðære strete ðonne richte norð xiii gerde to ðære norðstræte ðonne eastrichte xliii gerde et vi fet to ðære eaststrete ðonne suðrichte xx gerde et vi fet to ðære suðstrete ðonne westryhte be ðære suðstræte to ðæm lictune vii gerda et vi fet ðonne ryhte norð v gerda ðonne is ðæs ymbganges ealles ðreo furlang et ðreo metgerda + Eadweard rex + Æðelweard frater regis + Plegmund archiepiscopus + Denewulf episcopus + Wilferð episcopus + Wulfsige episcopus + Asser episcopus + Wighelm episcopus + Ceolmund episcopus + Eadgar episcopus + Wimund episcopus + Byrnhelm abbud + Wihtbrord minister + Deormod minister + Beorhtsige minister + Ocea minister + Æðelstan minister + Wulfhelm minister + Alla minister + Beornstan minister + Wulfhelm minister + Beornstan presbyter + Tata presbyter + Wulfred + Beorhtulf presbyter + Beornulf diaconus + Eadstan diaconus + Eadulf + Ælfstan + Æðelstan + Wighelm + Wulfstan + Wulfric + Ealhstan + Wynsige + Eadulf + Wulfhelm + Wulfsige + Eadwold presbyter + Ealfnoð presbyter