Charter Document - 03571012
| Charter Number: | 03571012 |
|---|---|
| Cartulary Title: | Charters of St. Albans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1042 - 1049 |
| Date type: | Assigned |
| Resource Link(s): |
Anglo Saxon Charters (S 1228) British Library - Cotton MS Nero D I (f152r) eSawyer (S 1228) |
Charter:
Hoc notum sit omnibus fidelibus quod ego Ægelwinus niger cum consensu domini mei regis Eadwardi aliquam ruris partem id est xxi mansas cum una uirga in quattuor locis ubi nominamus æt Grenebeorge v hidas æt Reodbune vii et i uirgam æt Langalege v hidas et dimidiam æt Þwangtune iii hidas et dimidiam ad honorem Dei et sancte Marie et sancti Albani et omnium sanctorum ad ecclesiam supradicti martyris Albani pro anima mea et anima Wynflæde uxoris mee et pro animabus seniorum meorum deuotissime concedo ad usum monachorum Deo et beato martyri inibi seruientium Si quis igitur hanc nostram donationem in aliud quam constituimus transferre uoluerit sit priuatus a consortio sancte Dei ecclesie eternisque baratri incendiis lugubris iugiter cum Iuda Christi proditore eiusque complicibus puniatur si non satisfactione emendauerit congrua Huius doni con stipulatores fuerunt quorum inferius nomina scripta uidentur Ego Eadwardus rex Anglorum hanc donationem Ægelwino mihi oppido fideli desideranti libenter concessi + Ego Ælfyfa Imma mater regis Eadwardi concessi + Ego Ægelwinus hanc meam donationem manu mea confirmaui + Ego Eadnoðus episcopus + Ego Siwardus comes + Ego Þurius comes + Ego Ælfricus filius Wihtgari + Ego Ælwinus filius Wulfredi + Ego Þurgiselus + Ego Swegn + Ego Burhredus + Ego Leofwinus filius Æstan + Ego Alwoldus frater Leofwini + Ego Ægelricus rufus + Ego Aleg et omnis mea familia