Charter Document - 03570012
| Charter Number: | 03570012 |
|---|---|
| Cartulary Title: | Charters of St. Albans |
| Charter Language: | English |
| Charter Origin: | Religious |
| Charter Type(s): | Grant |
| Date: | 1042 - 1049 |
| Date type: | Assigned |
| Resource Link(s): |
eSawyer (S 1228) |
Charter:
Her swutelað on ðisan gewrite embe þa land þe Ægelwine swearte geuðe Gode to lofe [et] sancta Mariam et eallan Godes halgan into sancte Albanes mynstre for his sauwlan [et] for Wynflædan his wifes et for eallan his yldran saulan þam broðran to fode be Eadwardes cinges leafe Þæt synd fif hidan æt Grenebeorge et uii hida et an gyrd æt Reodburne et sixte hea[l]f hida æt Langeleage et feorðe healfe hida æt Þwangtune Hærto is gewitnesse Eadwertus cing hym [s]ylf et Ælfgyfe Imma his moder [et] Eadnoð biscop et Sigwærd eorl et Þurig eorl et Ælfric Wihtgares sune et Ælfwine Wulfwedes sune et Þurgisel Swega et Burhred et Leofwine Æstanes sune et Alwold his broðer et Ægelric se reade et Aleg et ealle mine hiredmenn et ic bidde cinne cing oððe kynebearn þe Engleland age þæt næfre ne geþafige þæt man ðone cwide awende ut fram sancte Albanes mynstre et gyf hit hwa do oððe geþafige wurðe his sauwle besænced into helle wite et ic sylf Ægelwine þis writ gedihte et gean mid þam lande et mid me sylfan into sancte Albane þam halgan martire a on ecnesse His synt þa land gemære into Hryd burne