Charter Document - 03570007

De Standune De offanlege De Gatesdune et Westwike et aliis opib Ætheliua Sco Albano + æþelgifu cyð hire cwide hire cynehlaforde et hire hlæfdian et hire freondon hwæt hio gode wile don hwæt hire hlaforde hwæt hire freondon þæt is hyre hlaforde þam cynge xxx mancessa goldes et twegen stedan þe him to beodonne bioð et mine headerhundas et mire hlæfdian xxx mancessa goldes et þæt lond æt westwicum swa gewered et þæt lond æt gætesdene into sancte albane on þa gerad þæt æfra þa munecas his brucan gemænsumlice et xxx mancessa goldes et xxx oxana xx of gætesdæne et x of acyrsce et xx cuna x of gætesdene x of acyrsce et drifo mon þæt ongen hire lic et oðer healf hund sceapa of langaforda l ewna mid heora lambum et l gyldscepa et æt acyrsce ane heorde swina et þæne heorde mid et frige mon of þam tune ymman et ealdelm et wulfhelm et his bearn et siwynne gingran sunu et þa oðre ealle into sancte albane et twa sealfrene cuppan et twegen hornas et ane boc et þæt betste wahrift et þæt betste setrægl for hio et for hire hlafordes sawle æt gætesdene fryoge mon eadmund et his sunu et heahulf et eadwig æþelwine et his wif selle mon æþelstane et freoge mon hira cild et freoge mon heora cild wynstan et heremod et cuðmundes dohter et osmund et his wif into sancte albane et þæt land æt langaforda ælfnoðe his dæg et v men et mangod et mantat freo et wine mylnere et þæs swanes sunu et wif et þone gingran sceaphyrde hæbbe ælfnoð et cc sceapa c hund ewna et c geldsceapa et þa heorde swina et an sylhða oxana et iiii oxan on þa gerad þe he selle ælce gære into hyccan þreo dægfeorma et ofor his dæg þæt land æt langaforda æt langaforda into hyccan et leofwine mire swyster suna þæt lon æt cliftune him et eadric et his wif et freoge mon heora cild et l ewna mid heora lombum into hiccan of langaforda et l sceapa into bedaforda et xxx to flittan et xx to æsceswellan et x to heanhlæwe butan hio feoh hæbbe geþence mon þa nehtwæccan mid þam oforeacan et hire preoston et þa healfan hide þe wineman ahte into þære cyrcan et freoge mon eadwine preost et hæbbe he þa cyrcan his dæg on þa gerad þe he hi abotege et selle him man anne mannan et freoge man ufic et þone fullere byrhstanes swustur into standune eadwine on þa gerad þe heo et hire hlaford habban ælce gere on ælcere wucan iii mæssan et a heora gebedrædenne arære et freoge man tiddulf et bogan et domic et his wif et siric et his steopdohtur et ælfwyðe hæbbe eadwine freo et hire cild et þæs mylneres wif et hire cild gif þær oforeaca sy dæle hit mon hire hirede þæt lond æt mundene hæbbe alfwold his dæg on þa gerad þe he selle ælce lengtene to brahingum vi mittan mealtes et þær meolo to et fisc et swa micel into welingum et to ægðeran mynstere iiii swin to mærtines mæssan et hæbbe twa sylhða oxana et iiii wæpmen oswig et his wif et cinesige et his wif et freoge mon heora cyld et brihtwine et godere et his heord selle man to heortfordingabyrig iiii oxan et to welingum iiii of þam tune et ælfwolde x cy gif þær eaca sy selle mon manne ii et freoge mon bogan et his hiwisc eal et winsige et his wif et man et his wif et dufan þa ealdan et æþeldryðe et þæt lond æt mundene ofor ælfwoldes dæg sille hit mon healf into brachingum healf into welingum et hie singan ælce gere xxx mæssan et þæt lond æt standune leofsige et selle man to brachingum iiii oxsan et ii cy þanan of et freoge man eatstan swan et healde his sunu þa heorde et freoge man elles þæt hiwisc et grim et his wif et eadgiðe et eadflæde et byrnferð et wulfrune et byrnstan se swan et hæbbe leofsige þæne gingran swan et þa heorde þe eatstan healt et selle man þær of tune wulfrice huntan ii oxsan et twa cy et hæbbe leofsige eal þæt oðer his dæg et æfter his dæge sylle hit man alfwolde ofor heora dæg into sancte albane et hy gesingon f hy et for hire hlafordes sawle ælce gere xxx mæssana et xxx saltera et æfre þa munecas his brucen gemenelice selle man leofsige þæt land æt offanlege et eal þæt seo boc tæcð et þæt lond æt twingum him to swinlande on þa gerad þe he gefeormige of þam twam tunum þone hired æt sancte albane iii dagas ælce gere oððe xvi mittan mealtes et iii melwes et anne sester huniges of offanlege mid þam lonfeo et viii weþeras et vi lomb et an slegeryþer et xxx cysa et of standune anne oman wines et xx cysa et vi swin et an hryðer et nyme man of æghwilcum tune to þam þryttyguþan dæge gelice mycel ge of gædesdene ge of eallum þam oþrum þe þær on lande sint et freoge man æt offanlege cyneleofe et mærtin et his wif et deormod et his wif et bryhtware et þeodilde et wulfstan æt cocerenho et hys stwegyn suna et hys steopdohtur et þæt land æt weodune hæbbe leofsige on þa gerad þæt he ælce geare læde ane tunnan fulle ealoð for hire fæder sawle et hir modor et hire broðor et for hy selfe et for hire hlaford et gel þæt þærto gebyrge gif he bearn hæbbe selle hit him gif he næbbe selle hit on his riht cyn et freoge man leofric æt weowdune et ælfric et byrhtelm et his sweostor et þæt land æt offanlege selle his cilde gif he cild næbbe be rihtwife selle hit mon into sancte albane butan þam lande þe tatulf on sit et æþelferð et æþelswið selle mon þæt ælfgyfe hire hlafordes dohtur gif heo libbe gif heo ne lybbe selle hit mon into sancte albane et singe man ælce gere xxx mæssena et xxx saltera feor hy et f hire hlafordes sawle et heo bit hire hlæfdian hyre to ælmessan þæt þu hine bewite et he mote fylgan þam æþelinge et ne geþafige þæt hine ænig man bereauige his landa et þæt ðu hyne hate scridad of þam lande et ælfwolde þone hagan healfne on lundanne et ælfhege healfne et ælfgife selle man ane heorde swina æt gætesdene et þone gingran swan et wegen men þæt to et leofwine mire swustur sunu selle mon þa heorde þe brihtelm heold et his ginra sunu et wulfstan et his wif et selle man leofrune mire mægan þæt land æt wadforda et æt weodune ii men et viii oxsan et hire sadulgerædo et hire cuppan et hire hornas buton hio hit ær agifen hæfde et þæt lond æt watforda ofor hire dæg hire dehter godwife æt þæt lond æt þrope selle ofor hire dæg innan hire agen cyn on þa gerad þe heo selle hire wed et ælc yrre forgife et heo na mare ne bidde gif heo nelle dæle hit man hire cildon et wulfwunne mire mægan ane bledu et anne preon et an wahrift et an sethregl et eal betstow swylce heo þærto betst hæfð et hire rotostan cyrtel et wulfmære hire mæge þa læssan seolfrenan cuppan et ceorfe man of hire bende witsige v mancessas buton heo hit ær gedon hæfde et v leofwine wulfmæres suna et v wulfmære mire swustur sunu et v godwife et fv ælfgife mire swustor dohtor et selle mon beornwynne minne blæwenan cyrtel is neaþene unrenod et hire betstan heafodgewædo et selle man lufetate et ælfgifu et godwife hire iii godwebbenan cyrtlas et wulfgife selle mon oðera hire dunnan cyrtla et syðþan dælen hiredwifmen þæt oðer him betwinum et selle man leofsige iii wahrift swylce þær þonne bet sint et ii sethrægl et ii betstow et dæle godwif et ælfgifu þa oðra him betwinum et hira ægþer ii mydercan et leofsige hire ferdwæn et fo him siðþon to eallum þam staðule et sitte þæron et freoge mon man hire goldsmið et his eldestan sunu et þone ginstan et his wif et wulfrices wif þæs huntan et hira cild et ælfwaru heora dohtur on þæt gerad þe heo singe ælcere wucan iiii sealtereas binnan xxx nihtan et on xii monðum ælcere wucan sealtere et freoge mon leofrune on þæt ilce rad et æþelflæde et freoge mon liofing æt heanhlæwe et hæbbe his land on þæt gerad þe he l e gare gemune hy et hyre hlaford et freoge mon mannes cnapan et heo byt for godes lufon þæt mon of þære manlafe of mundene et æt gætesdene et of langanforda þæt man selle wulfrice et his wife ii men et manne et his wife ii et selle mon georie preoste dufan sunu æt mundene freoge mon þæne sceaphirde et hæbbe alfwold þa dægan et gemune mon æþeric hire godsunu mid suman men et selle mon æþelwearde preoste þæne læssan sceaphirde et hæbbe ælfnoð godere ogen þæt et selle mon gundbuþe æþelferþes sunu se healta cnapa et bogan hire preoste finde him mon of þære lafe anne gionne mannan gif þær sy gif ne selle mon of offanlege ane cu et hæbbe leofsige æþelwynne et siðemon et his wif et æþewine et his wif et freoge mon hira cild et dudewine [Æl]fgif[e] hire magan cynewynne dohtor et godwife eadwynne et byrnflæde butan heo sealf heo frige et hire oðor selle Eall se freot et eall seo ælmesse þe her gecweden is hyo wile þæt hit beo heore ælmessa for þon hit wæron hire hlafordes begeto et heo bit hire cynehlaford him to ælmissan for his cynescipe for godes lufan et for sancte marigan þæt git ne læton nænne monnan mid feo hire cwide awendan leof hit becwæð hire hlaford hire to sellanne þam þe hyo wolde þe ne gelefde hire hire hlafordes magas þa lædde heo að to hyccan xx hund aða þær wæs ælfere on et ælfsige ld et byrnric wæs þa gerefa et ealle þa yldestan men to bedanforda et to heortforda et heora wif Ufonan þone cwide et þær þa of ærdo de eadelm hire hlafordes swustur sunu hire lond hire æt standune þa sohte ic þæne cing et gesealde hym xx punda þa agef he me myn lond on his unþonc Heo ne anbit na hyre cynehlaforde ne hire hlæfdian ac gif hwa bidde þæt ðes cwide standan ne mote wurðe he aworpen on þa wynstran hand þonne se hælend his dom deme et he wurðe gode swa lað swa iudas wæs þy hyne selfne aheng buton hio hit get self awende et þa ne lybben þe hit nu becweden ys