Charter Document - 03560013
| Charter Number: | 03560013 |
|---|---|
| Cartulary Title: | Charters of St. Pauls, London |
| Charter Language: | English |
| Charter Origin: | Royal |
| Charter Type(s): | Confirmation |
| Date: | 0924 - 0939 |
| Date type: | Assigned |
| Resource Link(s): |
eSawyer (S 452) |
Charter:
On þam halgan naman ures halendes Cristes se þe us gescop þa þe sylfe næron et us eft alysde mid his agenum life þa þa fordone wæron þurh þaes deofles lare et mid ealle for scylgode into þam ecan susle ac his myccle arfæstnese us alysde of ðam Nu ic Aðelstan cyning ofer Ængla þeode cyþe minum witum et on þisum gewrite mid wordum afæstnige þæt ic wille friðian ealle þa lande are into S Paules mynstre et þæreto gesetan þysne priuilege þæt is synderlic freols S Paul to lofe þan halgan apostle þe þeos stow is halig minre saule to alysednesse et mine synnan to forgifenesse be þam þe Sybba cyng hit gefreode et se halga Erkenwold et hig begen þæreto gebugen mid ealle gode geþeodwode et þa stowe ge godeden et se mære Biscop S Erkenwold þæne freols gefette on Romebirig þe on þisse Cartan is awriten et manega oþre freolsas heron gewriten synd þe mine forgengan gesetten heora saule to alysednesse se þe þysne freols ge eacnige god his lief her on life et him heofona rices myrhþe sylle þonne he heonon faran sceole se þe þænne þa are þænce to þeofigenne oððe on oððre wison to awadenne on oðre hit her beforen awriten is sy his lif her gelittled et þenne he heonon faran sceole sig a his wunung on helle grund buton he hit her ær his ænde þes tiþelicor gebete wið þæne æcan god þe ah ealra þinga geweald Forþi þe swa fæstlice þysne freols bebeodað þæt þe swa moten est ealle æt gædere heofonan rices myrhþe habban mid þam ecan gode þe ah ealra þinge geweald Amen