Charter Document - 03550035
| Charter Number: | 03550035 |
|---|---|
| Cartulary Title: | Charters of St. Augustines Abbey Canterbury and Minster-in-Thanet |
| Charter Language: | English |
| Charter Origin: | Royal |
| Charter Type(s): | Grant |
| Date: | 1042 - 1050 |
| Date type: | Assigned |
| Resource Link(s): |
Anglo Saxon Charters (S 1091) eSawyer (S 1091) |
Charter:
Eadward king gret Eadsige arceb et Godwine eorl et ealle mine þegnas on Kent frendlice et ic kyðe eow þæt ic hæbbe geunnen sancte Augustine et þam gebroðran þe þær to hyrað þæt hi beon heora saca wurðe et heore socna et griðbrices et hamsocne et forstealles et infangenes þiofes et flymæne fyrmðe ofer heore agene menn binnan burh et butan tolles et teames on strande et on streame et ofer swa feole þegna swa ic hiom habba to gelæten et ic nelle þæt æni mann æni þing þær on teo buton heom et heore wicneres þe hi hit betæcen willan for þam ic habbe forgefen sancte Augustine þas gerihte minre sawle to alesednysse swa full et swa forð swa hie hit fyrmest hæfden on Cnudes dægge cinges et ic nelle geþafyan þæt æni mann þis abrece be minan freondscipe God eow gehealde