Charter Document - 03550024
| Charter Number: | 03550024 |
|---|---|
| Cartulary Title: | Charters of St. Augustines Abbey Canterbury and Minster-in-Thanet |
| Charter Language: | English |
| Charter Origin: | Religious |
| Charter Type(s): | Grant |
| Date: | 0850 |
| Date type: | Assigned |
| Resource Link(s): |
Corpus Christi College, Cambridge - MS 286 (f74v) Anglo Saxon Charters (S 1198) ASChart (S 1198) eSawyer (S 1198) |
Charter:
In nomine Domini Ealhburh hafaþ geset mid hyre freonda þeahtunga þæt man ælce gere agyfe þam hywum to sanctæ Agustine of þam lande æt Bradanburnan xl ambura mealtes et eald hryðer et iiii weþeras et xl et cc hlafes et ane wæge spices et cyses et iiii foðro wudes et xx henfugla Swylc man se þæt land hebbe þas ðingc agyfe for Ealdredes saule et for Ealhburge et þa hiwan asingan ælce dæge æfter hyra ferse þæne sealm for hia Exaudiat te Dominus Swæ hwylc man swa þis abrece si he asceadan fram Gode et fram eallum hallgum et fram þan halgan were on þysum life et on ecnesse Þon synt her æfter þara manna naman to gewitnesse þisse gesetednesse þæt is þonne Drihtnoþ abb pr et Osmund presbyter Æþelred pr Wynhere diacon Beahmund Cenheard Hyse Adda [] Cada Bearnferþ Bearnhelm Ealdred Ealhburh Ealhwaru Hoshere Leofe Wealdhelm Dudde Ofa Ofe Wighelm Wullaf Eadweald Gif hit þon swa ge gæþ swa we na ne wyscað þæt hwylc broc on becume þurh hæþen folc oþþe hwylce oðre earfoþnesse þæt hit man ne mæge þæs geres gelæstan agife on oþrum geare be tweofealdum Gif þon git ne mæge sylle on ðriddum geare be ðryfealdum Gyf he þon git ne mæge ne nelle agife land et bec þam hiwum to sanctæ Agustine