Charter Document - 03541006
| Charter Number: | 03541006 |
|---|---|
| Cartulary Title: | Charters of Sherborne |
| Charter Language: | English |
| Charter Origin: | Royal |
| Charter Type(s): | Note |
| Date: | 0865 |
| Date type: | Assigned |
| Resource Link(s): |
Anglo Saxon Charters (S 333) British Library - Add MS 46487 (f18v) eSawyer (S 333) |
Charter:
Þa æfter þyssum hit gelamp þan ilcan geare þæs þe þis on midne winter wæs gedon þæt Æþelbreht se cining on frigedæg twam nihtum ær estron þisne freols mid his agenre hande unnende mode ufan in þone heah altare alegde æt ham æt Scireburnan in andweardnesse ealre þære broþorlican gesamnunga ealdra et giongra et eac swylce his mægan Æðelredes et Ælfredes et his oþræ witona þe þær þa mid him wæron for hine selfne lifigende et for his twegen broþre þe þæt þa andwearde stodon et for hyra ealra fæder saule Æþelwulfes cyninges et Æþelbaldes cyninges hyra broþor þe his lichama in þære stowe resteð He þisne freodom on ælmihtiges Godes namon et on ealra his halgra fæstlice bebead þæt hine nan his æfterfylgendra eft ne onwende ne on anegum dælum læssan ne on maran hine ne on cyrde ac he swa ecelice forþ þurhwunedæ swa lange swa God wolde þæt Cristen geleafa mid Eongolcynne untosceacen weoxa Ealra þara worldcundra hefinesse þe her beforan nemde syondon et se hæbbe Godes miltse et his halgra se þe þis mid Gode trymman wille et healdon Gyf þonne hwa sie þæt he þis on ænegum dæle wanian þence oððe brecan þanne næbbe he naþer ne Godes miltse ne his haligra nymþe he hit ær mid ryhte gebete Þis wæs gedon beforan ðære gewitnesse þe hyro naman her bynyoþan gemearcode standað + Ic Æþelbreht rex + Ic Alhstan episcopus + Ic Æþelred filius regis + Ic Ælfred filius regis + Ic Heahmund presbiter + Ic Osmund minister + Ic Beorhtmund minister + Ic Cyma minister + Ic Ecgbreht minister + Ic Babba minister + Ic Mucel minister + Ic Cynelaf minister + Ic Torhthelm diaconus prepositus + Ic Burhghelm presbiter + Ic Heoteman presbiter + Ic Rædnoþ presbiter + Ic Æþelheah presbiter + Ic Oswuulf presbiter + Ic Wistan presbiter + Ic Ceolmund diaconus + Ic Luhha minister + Ic Beorhtwulf diaconus + Ic Ceolred minister + Ic Eanwulf minister + Ic Ealhferþ minister + Ic Ceolwulf minister + Ic Cynemund minister + Ic Ealhstan minister + Ic Æþelmund minister + Ic Ceofa minister + Ic Duda minister + Ic Wulfheard minister + Ic Herewulf minister + Ic Æscmund minister + Ic Ceolred minister + Ic Burhgred minister + Ic Wulfric minister + Ic Cyrred minister + Ic Æþelwulf minister + Ic Ceolhelm minister + Ic Eadulf minister + Ic Ealhstan minister + Ic Ecgstan minister + Ic Heorhtric minister + Ic Ceolheah minister + Ic Wulfheah minister + Ic Eardulf minister + Ic Cuðred minister