Charter Document - 03540022
| Charter Number: | 03540022 |
|---|---|
| Cartulary Title: | Charters of Sherborne |
| Charter Language: | English |
| Charter Origin: | Royal |
| Charter Type(s): | Grant |
| Date: | 1061 |
| Date type: | Internal, A.D. |
| Resource Link(s): |
eSawyer (S 1032) |
Charter:
Ðis is se freols ðe Eadweard cyngc et Eadgyð seo hlæfdige geuðon in to þam haligum mynstre æt Hortune Criste to lofe et Sancta MARIAN et eallon Cristes halgon + Regnante in perpetuum domino nostro Iesu Christo ixiendum urum drihtne hælendum Criste on ecnysse ðam heahstan et þan untosprecendlican ealra þinga et ealra tida scyppend se þe manegum þingum his mihtum setteð et wealdeþ Eac swylce þam up ahafenlican et þam unasecgendlican rice þæt ðe he þises lifes eadignysse et gesælignesse nænigum þingum ne forlæte For þan ic Eadwerd Engla landes cyngc mid Godes gyfe et mid minra witena geþeahte et ræde ic forgyfe þisne freols into þære haligan stowe æt Hortune Gode to lofe et Sancte MARIAN to wurðmynte ðe seo stowe ys fore gehalgod et me on gemende ys mid þisum eorðlicum þingum þa ecanlican gestreon to begytende Sicut Salomon dixit Redemptio anime proprie diuitie Swa swa Salomon cwæð þæt we sceoldon mid urum spedum urum sawlum þa ecan gesælignysse begytan For þan ic cuðlice mid geþeahte geþafunge et leafe ealra minra biscope et eorla et butan ðan ealra minra selostra witena ic forgef þisne freols for mine agene sawle et for mire leofostra frenda þæt eall þæt land þe lið in to þan haligan mynstre æt Hortune þæt hyt sy fæstlice et unawendedlice a ecelice gefreod ealra cynelicra et ealdordomlicra þeowdoma ge þeoffengces ge æghwylcere uneaðnesse ealles woroldlices broces buton fyrdsocne et burhgeweorce et bricggeweorce Gif hwa þanne si þæt he hine for Godes lufon to þam geeadmedan wylle þæt he þas mine gyfe geycan wylle oððe gemenig fyldan geyce him ælmihtig God eall god her on worolde et his dagas gesundfullie Gif ðonne hwylc mann to þam geþristlæce oððe mid deofles searwum to þam beswicen sy þæt he þis on ænegum þingum lytlum oððe mycelum þence to abrecende oððe to awendenda wite he þonne þæt he þæs riht agyldende sy beforan Cristes þrymsettle Þonne ealle heofonwara et eorðwara on his andwerdnysse beoð onstyred et on hrerede buton he hyt ær her on worolde mid rihte gebete Ðis wæs gewriten on þam geare þe wæs agan fram Cristes acennednysse an þusend geara et an et sixtig geara et an þam tacncircule þæt seofanteoþe gear Ic Eadwerd cyngc mid þære halgan Cristes rode tacne þis het swiþe geornlice getrymman et gefæstnian þisne freodom on ælmihtiges Godes naman et on ealra his halgena Ic fæstlice bebeode þæt hine nænig minra æfterfyligendra eft ne onwende ne on nænigum dælum læssum ne on marum hyne ne onwyrdon ac þes freols a ecelice forð þurhwunige swa lange swa God wylle þæt cristen geleafa mid Angelcynne untosceacan wurþe ealra þæra woroldcundra hefignyssa þe her beforan genemnede syndon et se hæbbe