Charter Document - 03540017
| Charter Number: | 03540017 |
|---|---|
| Cartulary Title: | Charters of Sherborne |
| Charter Language: | English |
| Charter Origin: | Religious |
| Charter Type(s): | Agreement |
| Date: | 1045 - 1046 |
| Date type: | Internal, A.D. |
| Resource Link(s): |
eSawyer (S 1474) |
Charter:
Her cyð on þisum gewrite hu þa forword wæron geworhte on Excestre æt foran Godwine eorle et æt foran ealra scire betwyx Alfwolde bisceope et þam hirede æt Scireburnan et Care Tokies suna æt þam lande æt Holacumbe þæt wæs þæt hi wurdon sehte þæt þa gebroðra eallæ geodon of þam lande butan anum se is Ulf gehatan þe hyt becweden wæs þæt he hyt hæbbe his dæg et ofer his dæg ga þæt land swa swa hit stent mid mete et mid mannum unbesacun et unbefliten in to þam halgan mynstre to Scireburnan Þyses is to gewitnesse Godwine eorl et Alfwold bisceop on Dorsæton et Lyfing biscop be norðan et Ælfwine abbod on Bucfæsten et Sihtric abbod on Tæfingstoce et Odda et Ælfric his broðor et Ordgar et his twegen gebroðra Ælfgær et Escbern et Dodda cild et Alon et Æþelmær Cola sunu et Osmær et Leofwine æt Exon et Ælfweard Alfwoldes sunu et Wiking et Ælfgær æt Mynheafdon et Wulfweard æt Winesham et Hunewine Heca sunu et Ælfwig æt Hægdune et Godman preost et Lutsige on Wiht et se þe þis awendan wylle oþþe ætbredan þænce þære halgan stowe si he awend fram Gode on domes dæg et fram eallum his halgum et si he besenct on middan þam weallendan bryne helle wites mid Iudan Cristes læwan a ecelice fordemed butan he hit her ær þe deoppor gebete Þyssera gewrita syndon twa an ys æt Scireburnan et þæt oþer æt Cridiantune sprecaþ buta an