Charter Document - 03530006
| Charter Number: | 03530006 |
|---|---|
| Cartulary Title: | Charters of Shaftesbury Abbey |
| Charter Language: | English |
| Charter Origin: | Royal |
| Charter Type(s): | Grant |
| Date: | 0867 - 0870 |
| Date type: | Assigned |
| Resource Link(s): |
eSawyer (S 342) |
Charter:
+ Atheldredus rex huius carminis inscripcione dimisit et uendidit v hidas ad Cheselburniam cum omnibus rite pertinentibus ut in subsequente scripto subnotatur Regnante imperpetuum Domino nostro Iesu Christo Rixiende ure dritte halende Crist Ich Atheldred mid Godes giue Westsaxne king mid leue and eþeafunghe mine ðare seleste wiotene ich forgiue and selle for me selfne minre saule to alesnesse minne ðam leueste and itreweste alderman Elfstane alchene idal landes in þare istowe þe is inemned be Chiselburne fif hide him to habbene and to brukende on elche halue þat is þanne þat it bie isien fre of al ikenelricre and alderdomelere þinghe an iwitradenne an of elchene þinghe buten fierde and angieldes And het it acheliche fre þurg wine habbe suelcman suo al se ich it habbe gief donne huelman be segen þat he þis giue and sale ieche oð manifelde wille iache him almigti God alle goode hereforwolde and his igaste furch agiue þa ache reste in ðam towarde liue If þat ilimpe þat oniman þurch deules lore and for þeses middelerdes idle þinghe on onni idale ilitel oþer michel þis ibroke oþer iwanie wite he hine fram alle leaffulle inne þese iworlde asceaden and he des sel in domes deghe beforen Criste rich agieldende bute he it are her on worlde mid richte ibete Ðis land is þisen imare þus ute ðinsald Arest on landscar hlinc to Cheselburne þannen anlang streames þanen up of streame on anne linkes haued þanen be suðe ceatwanberge on þanne hlinc of þanne ihlinche on anne castel at swindone uuewearde of þe castele to burnstowe þanen up anlang burnstowe þanen on anne linkes heued þanen to anne castele of þo icastel on þere herepaþ westward ep ðe herepað on þat hlinc reawe þanen on anne crundel to burnstowe on anne cinep on ðan gerðe lande nordewarde þanen wið anne crundeles of þi crundele on des heges hirnen þanen eft to herepað of þe ereðe on Hendune beorch on Deflisch of dune anlang streames up on streame on anne furch on anne stancastel of þi castele on bliequemannes beorg of þa iberge on land scare hlinc and sex made eres be Frume wið Deuliscmad ierð to þise land Ðises landes freols was iwriten in þare stowe þat is inemned at Wudegate beforen þese wetene þe here namen her beneþen amerkede standen Aþeldred Rex + Ealferð episcopus + Heahmund episcopus et ceteri