Charter Document - 03510035
| Charter Number: | 03510035 |
|---|---|
| Cartulary Title: | Charters of Rochester |
| Charter Language: | English |
| Charter Origin: | Religious |
| Charter Type(s): | Will |
| Date: | 0975 - 0987 |
| Date type: | Assigned |
| Resource Link(s): |
eSawyer (S 1511) University of Manchester Medieval Collection - Textus Roffensis (p295) |
Charter:
Þis is Byrhtrices et Ælfswyðe his wifes nihsta cwide ðe hi cwædon on Meapaham on heora maga gewitnEsse þæt wEs Wulfstan ucca et Wulfsie his broðor et Sired Ælfredes suna et Wulfsie se Blaca et Wine preost et Ælfgar on Meapaham et Wulfeh Ordeges suna et Ælfeh his broðor et Byrhtwara Ælfrices laf et Bryhtric hyræ mæg et Ælfstan bisceop Ærest his kynehlaforde ænne beah on hundeahtotigan mancysan goldes et an handsecs on ealswa miclan et feower hors twa gerædede et twa sweord gefetelsode et twegen hafocas et ealle his headorhundas et ðære hlæfdian ænne beah on ðrittigan mancysan goldes et ænne stedan to forespræce þæt se cwyde standan moste et for his sawle et his yldrena into Sancte AndreE twa sulung æt Denetune et hio for hire sawle et hire yldrena twa æt Langanfelda et þiderin for hy ðrittig mancys goldes et ænne sweorbeah on xl mancysan et ane cuppan seolfrene et healfne bænd gyldenne et ælce geare to heora gemynde twegra daga feorme of Hæslholte et ii of Woðringaberan et ii of Bærlingan et ii of Hærigeardeshamme et to Cristes circan lx mancys goldes xxx ðam biscope xxx ðam hirode et ænne sweorbeah on lxxx mancys et twa cuppan seolfrene et ðæt land æt Meapaham et to Sancte Augustine ðrittig mancys goldes et twa cuppan seolfrene et healfne bænd gyldenne et þæt land æt Dæræntan Byrhwara hire dæg et æfter hire dæge into Sancte Andree for unc et uncre yldran et Bærlingas Wulfehe et he selle x hund pænega into Sancte Andree for unc et uncre yldran et Wulfsie Woðringabyras innon þæt gecynde et Sirede Hæslholt innon þæt gecynde et Wulfege et Ælfege his breðer Herigeardeshamme innon þæt gecynde Wulfege þæt inland et Ælfege þæt utland et Wulfstane Uccan Wolcnesstede innon þæt gecynde et an handsecs on ðrim pundan et ða tyn hyda on Strættune into þæm mynstre to Wolcnesstede et þæt land æt Fealcnaham æfter Byrhwara dæge into Sancte Andree for Ælfric hire hlaford et his yldran swa heora cwide wæs et Bromleah æfter Brihtwara dæge into Sancte Andrea swa Ælfric hire hlaford hit becwæð for hine et his yldran et Snodingcland eac into Sancte Andrea æfter hire dæge swa Ælfere hit becwæð Ælfrices fæder et he seoððan on gewitnesse Eadgife ðære hlæfdian et Odan arcebisceopes et Ælfeges Ælfstanes suna et Ælfrices his broðor et Ælfnoþes Pilian et Godwines æt Fecham et Eadrices æt Ho et Ælfsies preostes on Crogdæne et Wulfstane lx mancos goldes to dælanne for unc et uncre yldran et oðer swilc Wulfsige to dælanne et hæbban heom wið god gemæne gif hy hit ne don et Wulfsige Tydiceseg et ða boc innon þæt gecynde et ii spuran on iii pundan et ic bidde for godes lufan minne leofan hlaford þæt he ne ðafige þæt ænig man uncerne cwide awænde et ic bidde ealle godes freond þæt hi ðarto filstan hæbbe wið god gemæne þe hit brece et god him sy symle milde þe hit healdan wille