Charter Document - 03500022
| Charter Number: | 03500022 |
|---|---|
| Cartulary Title: | Charters of Peterborough Abbey |
| Charter Language: | English |
| Charter Origin: | Religious |
| Charter Type(s): | Agreement |
| Date: | 0852 |
| Date type: | Internal, A.D. |
| Resource Link(s): |
Anglo Saxon Charters (S 1440) eSawyer (S 1440) |
Charter:
+ In nomine patris et filii et spiritus sancti Ceolred abbas et ða higan on Medeshamstede sellað Wulfrede ðet land æt Sempingaham in ðas gerednisse ðet he hit hEbbe et bruce sua lange sua he life et anum ærfeuuarde æfter him et elce gere sextig foðra wuda to ðEm ham on Hornan ðæm wuda et tuelf foðer græfan et sex foður gerda End forðon we him ðis land sellað ðet he ðes landes fulne friodom bigete in ece ærfeweardnisse æt Sempingaham et æt Slioforda et bruce þere cirican lafard on Medeshamstede ðes landes æt Slioforda et Wulfred ðes on Sempingaham et he geselle eghwelce gere to Medeshamstede tua tunnan fulle luhtres aloh et tua slegneat et sex hund lafes et ten mittan Welsces aloð et þere cirican laforde geselle eghwelce gere hors et ðrittig scillinga et hine ane niht gefeormige fiftene mitta luhtres aloð v mitta welsces aloð fiftene sestras liðes et hi sion symle in allum here life eadmode et hearsume et underþeodde et ofer here tuega deg þonne agefe hio þet land into þere cirican to Medeshamstede mid freodome et we him þis sellað mid felda et mid wuda et mid fenne sua þerto belimpeð Sið heora tuuege dæg agan sie þonne agefe mon tuuenti hida higuum to biodland et þere cirican lafearde xii hida land æt Forde et æt Cegle et he wes feormied tuuege hida landes æt LEhcotum his erfeweorda sweolcum swelce him ðonne gesibbast were et þat were fulfredes cynne ge fre swa sua þet oðer into þere cirican Anno uero dominice incarnationis dccclii Indictione xv hoc factum est Her sindan ða naman ðere monna þe þis wreotan et festnedan Burgred rex CElnoth archepiscopus Tunberht episcopus Ceored episcopus Alchun episcopus Berhtred episcopus Wihtred abbas Werheard abbas Æthelhard dux Hunberht dux Aldberht dux Beornhard dux Mucel dux Osmund dux Ælfstan dux Aldred dux Wenberht dux Eadulf Ic Ceolred abbas þas ure selene mid Cristes rode tacne trymme et festnie Aldberht præpositus Alcheard presbiter Eanred presbiter Wilheard presbiter Cenferð presbiter Cyneweald presbiter Eaduuald presbiter Egberht diaconus Humberht diaconus Aldelm Brynuuald Tunwulf