Charter Document - 03500020
| Charter Number: | 03500020 |
|---|---|
| Cartulary Title: | Charters of Peterborough Abbey |
| Charter Language: | English |
| Charter Origin: | Religious |
| Charter Type(s): | Exchange |
| Date: | 0963 - 0975 |
| Date type: | Assigned |
| Resource Link(s): |
Anglo Saxon Charters (S 1377) eSawyer (S 1377) |
Charter:
Her sutelað on þyssum gewrite þet Aþelwold bisceop et Wulstan uccea hwyrfdon landa on Eadgares cyninges et on his witena gewytnesse Se bisceop sealde Wulstane þet land æt Hwessingatune et Wulstan sealde him þet land æt Jaceslea et æt Ægeleswurðe þa sealde Se bisceop þet land æt Jaceslea into Þornige et þet æt Ægeleswyrðe into Buruh et þæt land æt Ægeleswyrðe headde an wyduwe et hire sune ær forwyrt forþanþe hi drifon serne stacan on Ælsie Wulfstanes feder et þæt werð æreafe et man teh þæt morð forð of hire inclifan þa nam man þæt wif et adrencte hi æt Lundene brigce et hire sune ætberst et werð utlah et þæt land eode þam kynge to handa et se kyng hit forgeaf þa Ælfsige et Wulstan Uccea his sunu hit sealde eft Adeluuolde bisceope swa swa hit her bufan sægð