Charter Document - 03470023
| Charter Number: | 03470023 |
|---|---|
| Cartulary Title: | Charters of Bath and Wells |
| Charter Language: | English |
| Charter Origin: | Religious |
| Charter Type(s): | Lease |
| Date: | 1061 - 1065 |
| Date type: | Assigned |
| Resource Link(s): |
eSawyer (S 1426) Corpus Christi College, Cambridge - MS 111 (p74,p91) |
Charter:
Her swutelað on þisum gewrite þæt Ælfwig abbud and eall seo geferræden on Baðan hæfð gelæten to Stigande archebisceop xxx hyda landes æt Dyddanhamme his dæg wið x marcan goldes and wið xx pundon seolfres et æfter hys dæge ga hyt eft in to þam halegan mynstre mid mete et mid mannum swa full et swa forð swa hyt þænne byþ et i marc goldes toeacan et vi merswun et xxx þusenda hæringys ælce eare Þisys ys to gewittnysse Eadweard ciningc et Eadgyð seo hlæfdige et Ealdryd archebisceop et Hereman bisceop et Gisa bisceop et Harold eorl et Tosstig eorl et Æþelnoð abbod et Ægylwig abbod et Ægylsige abbod et Ordric abbod et Esegar steallere et Roulf steallere et Bondig steallere et manega oþre gode menn þe heora naman her awritene ne syndon et gyf ænig mann si swa dyrstig þæt wylle þis awendan si he amansumod fram Criste et fram sancta Marian et fram sancte Petre þam halegan apostole et fram eallum Cristes halegum æfre on æcnysse buton he hyt eft þe raþor gebete