Charter Document - 03460152
| Charter Number: | 03460152 |
|---|---|
| Cartulary Title: | Charters of Abingdon Abbey |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0955 - 0959 |
| Date type: | Assigned |
| Resource Link(s): |
Anglo Saxon Charters (S 665) British Library - Cotton MS Claudius C IX (f133v) eSawyer (S 665) |
Charter:
In nomine dei summi et altithroni qui omnia de summo celi a pice uisibilia et inuisibilia ordinabiliter gubernans atque moderans præsentisque uitæ curriculo cotidie temporales possessiones et uniuersæ diuitiarum facultates nostris humanis obtutibus cernimus deficientes ac decrescentes sic mutando fragilitas mortalis uitæ marcescit et rotunda sæculorum uolubilitas inanescit ac in carorum propinquorum amicorumque amissione conqueritur ac defletur Quapropter ego Eadwi Angligenarum rex cæterarumque gentium in circuitu persistentium fideli meo ministro uocitato nomine Eadrico ob illius amabile obsequium eiusque placabili fide litæ x mansas largiendo libenter concedens per donabo illic ubi uulgus prisca relatione uocitat æt Lechamstede quatinus ille bene perfruatur ac perpetualiter possideat dum huius labentis æui cursum transeat illæus atque uitalis spiritus in corruptibili carne inhæreat et post se cuicumque uoluerit perenniter hæredi derelinquat sicuti prædixi Sit autem prædictum rus liberum ab omni mundiali obstaculo cum omnibus quæ rite ad ipsum locum pertinere dinoscuntur tam in magnis quam in modicis rebus campis pascuis pratis siluis excepto istis tribus expeditione pontis arcisque coædificatione insuper ad augmentum prædictæ donationis gratia unam molinam iuxta diriuatiuis cursibus aquarum Lamburnam perpetuali donatione dedi prædicto ministro Hoc tempore cachinnantes nænias subdolosi huius sæculi dinoscuntur interdum inchoasse alienum lucrum sibi usurpatiue cum ambitione iniquitatis uendicare sed torpentes auaritiæ incessas omnimodo in nomine sanctæ trinitatis ab omnibus Christianis interdico ita ut meum donum corroboratum sit cum signaculo sanctæ crucis Etiam si quis alium antiquum librum in propatulo protulerit nec sibi nec aliis proficiat sed in sempiterno graphio deleatur et cum iustis non scribatur nec audiatur Denique uero si quis nobis non optantibus nostrum hoc donum uiolari fraudulenter perpetrando consenserit consideret hinc se die ultima iudicii coram deo rationem redditurum atque cum reprobis quibus dicitur Discedite a me maledicti in ignem æternum penis atrocibus se esse passurum si non antea corporea lamentatione emendauerit