Charter Document - 03441367
| Charter Number: | 03441367 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1139 - 1161 |
| Date type: | Assigned |
| Resource Link(s): |
Reference Document for this Embedded Document |
Charter:
Tedbaldus Dei gratia Cantuariensis archiepiscopus et totius Anglie primas Eborardo Norwycensi episcopo et omnibus sancte ecclesie filiis salutem Deique et suam benedictionem Notum sit tam presentibus quam futuris Cristi fidelibus quod ego Tedbaldus archiepiscopus dedicavi ecclesiam sancti Pauli apostoli que pertinet ad hospitale pauperum apud Norwycum quapropter confirmo et precipio liberam esse sub pace Dei et domini pape et nostra omnia que pertinent eidem prenominate ecclesie precipue in ecclesiis de Ormesby quas Ricardus archidiaconus ei concessu regis Henrici et postea Stephani regis dono dedit et in aliis quoque rebus in terris in decimis et in redditibus et in omnibus possessionibus quas habuit vel habitura est dono Cristi et suorum fidelium Quicumque autem benefecerit eidem hospitali benedictionem Dei et domini pape nostramque habeat et econtra qui res eiusdem domus diripuerit sive diminuerit anathemati subiaceat nisi ad emendationem et satisfactionem venerit Fiat Fiat Amen + Et in anniversario dedicationis eiusdem basilice sancti Pauli perdonum facio de relaxatione penitentie octo dierum singulis annis