Charter Document - 03440373

Universis sancte matris ecclesie filiis presentes litteras visuris vel audituris Radulphus permissione divina Norwicensis ecclesie minister salutem in eo qui est salus omnium et gloria devotorum De omnipotentis Dei misericordia patris et filii et spiritus sancti gloriose virginis Marie beatorum Petri et Pauli apostolorum omniumque sanctorum meritis et precibus confidentes omnibus vere penitentibus et contritis qui ecclesiam beati Petri Westm intraverint et eandem ob reverentiam et amorem apostolorum principis predicti seu gloriosi regis E et confessoris qui ibidem requiescit vel sanguinis Cristi cuius ibidem portio veneranda continetur aut zone beate virginis Marie seu passus pedis Cristi ibidem contenti aut anuli sancti regis E predicti a beato Iohanne Evangelista eidem transmissi vel alterius cuiuscumque sancti vel sanctorum quorum reliquie in eadem ecclesia a fidelibus venerantur elemosinis oblationibus seu aliis quibuscumque beneficiorum munificentiis honoraverint vel ornamentis seu aliis largitionibus promoverint vel etiam qui ad tumulum quondam ilustris regis Anglie Henrici accesserint et ibidem pro anima ipsius et pro animabus omnium fidelium defunctorum orationem dominicam cum salutatione beate virginis cum fideli dixerint devotione xl dies de iniuncta sibi penitentia misericorditer relaxamus In cuius rei testimonium sigillum nostrum presentibus apponi fecimus Dat London nonas Novembris anno Domini millesimo CC nonagesimo tertio