Charter Document - 03440369
| Charter Number: | 03440369 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1294 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Radulphus permissione divina Norwicensis ecclesie minister humilis salutem in auctore salutis Obsequium altissimo gratum totiens impendere opimamur quotiens mentes fidelium ad caritatis et pietatis opera excitamus Eapropter nos de Dei omnipotentis misericordia sancte et individue Trinitatis gloriose virginis Marie apostolorum Petri et Pauli omniumque sanctorum meritis et precibus confidentes omnibus parochianis nostris et aliis quorum diocesani hanc nostram indulgentiam ratam habuerint de peccatis suis vere contritis et confessis qui pro anima Willelmi de la Cornere quondam episcopi Sar cuius corpus in ecclesia cathedrali Sar requiescit humatum necnon pro animabus omnium fidelium defunctorum orationem dominicam cum salutatione beate virginis dixerint mente pia quadraginta dies de iniuncta sibi penitentia relaxamus In cuius rei testimonium sigillum nostrum presentibus est appensum Dat London x kalendas Octobris anno Domini MCC nonagesimo quarto