Charter Document - 03440364
| Charter Number: | 03440364 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1299 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis ad quos littere presentes pervenerint Radulphus permissione divina Norwicensis episcopus salutem in Domino sempiternam Noverit universitas vestra quod cum inter magistrum Saerum archidiaconum Suff ex parte una et religiosos viros priorem et conventum ecclesie sancte Trinitatis Norwic ex altera super exactione quarumdam procurationum quam idem archidiaconus fecit versus dictos religiosos gratia visitationis sue in ecclesiis de Denham Hopton et Henleye in archidiaconatu suo constitutis facte et inposterum faciende quas quidem ecclesias dicti religiosi optinent in proprios usus orta fuisset materia questionis tandem partes predicte [super] premissis omnibus et singulis ordinationi nostre laudo seu dicto et diffinitioni tam pro se pro successoribus suis pure sponte et absolute se submiserunt unde nos invocata spiritus sancti gratia ne premissa in materiam redeant recidive questionis auctoritate pontificali ordinamus laudamus dicimus et diffinimus quod cum archidiaconus loci predicti qui est seu erit infuturum visitaverit dictas ecclesias de Denham et Henleye percipiat idem archidiaconus quolibet anno ratione visitationis sue debito modo inpense de dicta ecclesia de Denham quinque solidos argenti et de ecclesia de Henl quatuor solidos de portionibus vicariorum in eisdem ecclesiis sine ulteriori exactione De ecclesia vero de Hopton licet eamdem visitet nichil percipiat sed sit eadem ecclesia ab huiusmodi prestatione omnino immunis quia sic eam invenimus a tempore fundationis eiusdem fuisse In cuius rei testimonium presentibus sigillum nostrum apposuimus Act et dat apud Thorp iuxta Norwicum in crastino Purificationis beate virginis anno Domini MCC nonagesimo octavo